Detaje të reja kanë dalë lidhur me rastin e dhunës brutale ndaj 42-vjeçarit Rigels Kaso në Tiranë. Mësohet se Kaso bisedonte në rrjete sociale me bashkëjetuesen e autorit të dhunës Bajram Gjeleshi.
Bëhet me dije se Kaso i cili jeton në Bilisht, kishte ardhur tre ditë para se të ndodhte ngjarja në kryeqytet. Gjeleshi kapi mesazhet në telefonin e bashkëjetueses me Kason, dhe la një takim duke folur në emër të saj me 42-vjeçarin në afërsi të banesës në rrugën “Sokrat Miho”.
Kaso shkoi në vendtakim me idenë se do të takonte gruan me të cilën kishte folur, por aty u shfaq bashkëjetuesi i saj. Gjeleshi dhunoi Kason me sende të forta, ku ky i fundit u dëmtua rëndë.
Rigels Kaso u gjet të nesërmen (15 korrik) me shenja dhune në mes të rrugës nga kalimtarët, ku u dërgua në spitalin e Traumës për mjekim. Mësohet se për shkak të dhunës dhe plagëve të shumta në kokë dhe trup, Kaso është futur në intubim në spitalin e Traumës ku po lufton për jetën.
Autori i ngjarjes është shpallur në kërkim dhe po punohet për kapjen e tij.
Bajram Gjeleshi 34-vjeç dyshohet të jetë autori i dhunimit të Rigels Kasos nga Bilishti, ngjarje e ndodhur një ditë më parë në Tiranë.
Bëhet e ditur se 34-vjeçari Gjeleshi është shpallur në kërkim nga policia për dhunën që ka ushtruar ndaj devolliut. Rigels Kaso kishte tre ditë që kishte ardhur në kryeqytet, ku nisi që të flasë me mesazhe me bashkëjetuesen e autorit.
Por gjatë kësaj kohe Gjeleshi kishte zbuluar sms e shkëmbyera mes tyre, dhe duke folur në emër të së dashurës së tij ka lënë një takim me 42-vjeçarin Kaso në afërsi të shtëpisë në rrugën ‘Sokrat Miho’.
Kaso ka shkuar në vendin ku ishte lënë takimi me idenë se do të takonte bashkëjetuesen e Gjeleshit, por aty ka takuar këtë të fundit. 34-vjeçari e ka dhunuar Kason me sende të forta duke e lënë të shtrirë në tokë.
Më pas Rigels Kaso u gjet mëngjesin e ditës së djeshme i shtrirë në rrugë me shenja dhune. Për shkak të dhunës ai ka pësuar fraktura të shumta në kokë dhe trup, dhe ndodhet i shtruar në spitalin e Traumës në intubim në gjendje kritike për jetën.
