Ka përfunduar numërim i i votave me kusht dhe të veçanta në Qendrën e Numërimit dhe rezultateve në Kosovë. KQZ-së iu deshën gati një muaj për përfundimin e numërimit.
Pavarësisht pretendimeve të VV-së së Albin Kurtit, ata arritën të marrin vetëm një mandat më shumë, duke shkuar në 48-të nga 47-të që patën në votimet e rregullta.
Partisë Demokratike të Kosovës e cila performoi më dobët në votat e diasporës mbetet tek 24 deputetë.
LDK do të ketë 20 deputetë, ndërsa koalicioni mes AAK dhe Nismës 8 deputetë, tre prej tyre nga partia e Fatmir Limajt. Lista Serbe mori 9 ulëse, ndërsa mandati i dhjetë për komunitetin serb i takoi partisë së ministrit Nenad Rashiq, Za Slobodu i Pravdu Opstanak.
Është përmbyllur procesin e numërimit të votave të zgjedhjeve të 9 shkurtit.
Lajmin për Gazetën Express e ka konfirmuar Valmir Elezi, zëdhënësi i Komisionit Qendror të Zgjedhjeve (KQZ).
“Ju njoftoj se në orën 21:00 është përmbyllur procesi i numërimit të më shumë se 15 mijë e 500 fletëvotimeve nga votimi me kusht dhe nga votimi i personave me nevoja të veçanta, të cilat njëkohësisht janë fletëvotimet e fundit që numërohen dhe që i takojnë procesit zgjedhor të Zgjedhjeve për Kuvendin e Republikës së Kosovës, të mbajtura më 9 shkurt 2025. Sipas nenit 105 të Ligjit për Zgjedhjet e Përgjithshme, KQZ është e obliguar që të presë të paktën 48 orë para se të shpall rezultatet përfundimtare të Zgjedhjeve për Kuvendin e Kosovës. Ky nen, parasheh mundësinë që në PZAP, në një afat brenda 48 orëve nga ndodhja e shkeljes së supozuar, të paraqiten ankesat për administrimin e numërimit që është zhvilluar në Qendrën e Numërimit dhe Rezultateve. Sot, është dita e fundit kur këtu në QNR ka pasur administrim të numërimit të fletëvotimeve, andaj edhe ky afat llogaritet nga dita e sotme, 5 mars 2025, ora 21:00”, KA THËNË AI.
Ai ka treguar edhe për një rast specifik në Vushtrri, ku do të bëhet një rinumërim votave e fletëvotimeve që i takojnë një subjekti politik.
|Në përgjigje të kërkesës së Prokurorisë Themelore në Mitrovicë, gjatë ditës së enjte KQZ do të bëjë rinumërimin e fletëvotimeve që i takojnë një subjekti politik në komunën e Vushtrrisë. Më shumë detaje për këtë çështje, mund t’iu japin në Prokurorinë e Shtetit. Gjatë kohës sa KQZ duhet të presë kalimin e afatit për ankesë në PZAP, do të bëhet rinumërimi i kërkuar”, ka thënë ai. /Gazeta Expess
@tetovanews
@tn.lajmelokale
