Tërmeti shkatërrimtar që goditi Shqipërinë ditën e djeshme ka prekur dhe lënduar shpirtrat e të gjithë shqiptarëve kudo që janë.

Përveç nismës së shpallur nga Presidenti i Federatës Shqiptare të Futbollit, Armand Duka, për rindërtimin e tre shtëpive të shkatërruara, skuadra Kombëtare ka filluar fushatën për mbledhjen e fondeve për të dëmtuarit e kësaj fatkeqsie, për të ndihmuar sa më shumë familje, duke ju përgjigjur thirrjes së Presidentit Duka për një fushatë të gjerë ndihme kombëtare e ndërkombëtare.

Në rrjetet sociale të gjithë lojtarët kanë shpërndarë thirrjen e tyre, ku të gjithë shqiptarët mund të japin kontributin e tyre.

“Ne, djemtë e ekipit Kombëtar shqiptar kemi ndërmarrë nismën për të kontribuar financiarisht për të prekurit nga tërmeti shkatërrimtar që goditi Shqipërinë.

Ftojmë të gjithë shqiptarët kudo ku ndodhen të kontribuojnë në llogarinë e hapur nga grupi.

Ne jemi një skuadër e pandarë dhe sëbashku do ti kalojmë këto momente të vështira për vendin tonë”, shkruajnë djemtë kuqezi në faqet e tyre, ku publikojnë dhe të dhënat ku secili mund të japë kontributin.

Ftojmë të gjithë shqiptarët kudo ku ndodhen të kontribuojnë në llogarinë bankare:

Monedha: LEK

Union Bank Swift Code UNALALTR

IBAN: AL79214111060117141628020118

Monedha: EUR

Union Bank Swift Code UNALALTR

IBAN: AL73214111060117141628020129

Monedha: USD

Union Bank Swift Code UNALALTR

IBAN: AL67214111060117141628020140

Shqipëria vazhdon të përjetojë momente paniku nga tërmetet që kanë lëkundur vendin. Inxhinieri Shkëlqim Beqo tha se pasojat më të mëdha janë në shtëpi, të cilat janë ndërtuar në mënyrë diletante, pa ndonjë projekt të qartë inxhinierik.

“Unë isha për inspektim në zonën e Kavajës, Shijakut, të Durrësit. Kam bërë kontroll në objekte, ku kemi projektuar ne si studio projektuese e më pas me miqtë dhe shokët që kishin problematika për t’i qetësuar dhe për të parë gjendjen faktike, si dhe shkallën e dëmeve e mundësinë e riparimit.

Dëmet unë do i ndaja në tri nivele, në dëme lehtësisht të riparueshme, që kanë të bëjnë me ndërhyrjen vetëm në lifiniturat e tyre, që janë plasaritjet etj. niveli i dytë që do thosha unë vetë strukturat e betonit kanë marrë goditje të ndjeshme dhe niveli i tretë është kur godina i ka kaluar këto dy faza dhe është në fazën e rrënimit e kjo fazë është kur është e rrezikshme tepër që të afrohesh e jo më të banosh në të.

Janë të rralla ndërtesat që nuk janë prekur në një nga këto nivele. Dëmtimet kryesisht në zona ku është ndërtuar në mënyrë dilitante, pa inxhinier, me atë idenë kam lekët unë e di vetë dhe e bëj unë”, tha Beqo.

Inxhinieri Shkëlqim Beqo shprehet se forcat janë në terren, por shikon se ka mungesa të theksuara të organizimit.

“Në tërmetin e vitit 1979 në Shkodër ka pasur një organizim serioz nga ana inxhinierike. Ndërsa në këtë rast, në tërmetin e Durrësit që njihet, ne gjithë këto ditë shkojmë kot, kur grupet e ndërtimit të organizimit fare mirë mund të kalojnë objektet e ndërtimit me radhë.

Kjo është një çoroditje nga paaftësia. Këtu mungon shteti. Nuk funksionon shteti nga pikëpamja profesionale se ditën e rrogës janë të gjithë në këmbë ata. Mjafton të shikosh, ku ishte Kosova dhe vjen Kosova e të ndihmon dhe janë 100 herë më të kompletuar se ç’ke njerëzit ti këtu, organizmat e tua këtu. Shteti thotë bëj ndeshje boksi, por ai nuk ka krahë.

Duhet të ngrihej shtabi e të kapen objektet një për një. Në këto zona kam parë gjendje të rëndë. Situata është shumë masive dhe shteti jo i organizuar. Prsh Bashkia e Tiranës ka 6000 punonjës, më shumë duhet të bënin, punonjës arkitekt e inxhinier. Ndihmat më shumë janë private se shtetërore. Mungon këmbana, mungon komandanti, t’i thotë ti ke këtë, ti ke këtë, atë. Janë njerëzit, duhet organizim”, deklaroi inxhinieri Beqo.

Emiratet e Bashkuara Arabe do të ofrojnë 3 milionë euro për viktimat e tërmetit që goditi Shqipërinë në 26 nëntor të 2019.

Persona të ndihmës së shpejtë në Emiratet e Bashkuara Arabe do të udhëtojnë drejt kryeqytetit shqiptar këtë të diel, për të menaxhuar dhe mbikëqyrur shpërndarjen e ndihmës në vendet më të prekura.

“Përmes shoqatës së saj humanitar, Gjysmë Hëna e Kuqe e Emirateve, Emirat e Bashkuara Arabe do të ofrojnë ndihma urgjente me vlerë 3 milion euro”, shkruhet në twitter.

Tërmeti 6.4 shkallë të Rihterit që goditi Shqipërinë mëngjesin e së martës, la pas dhjetëra viktima, qindra të plagosur, ndërsa grupet e kërkim shpëtimit po vijojnë punën për nxjerrjen e personave nga rrënojat.

Ndërkohë, sipas ANSA-s lëkundjet e tërmetit kanë ngritur tokën me rreth 10 centimetra afër qytetit të Durrësit.

Imazhet janë marrë nga radari tek satelitët Sentinel-1 të programit Evropian Kopernikus të Agenzia Spazia, Evropa (Esa) dhe Komisioni Evropian, analizuar nga sizmologët e Institutit Kombëtar të Gjeofizikës dhe Vullkanologjisë (Ingv).

Radari i hapjes sintetike (Sar) lejoi të matë deformimin e tokës, siç ndodhi për tërmetet e vitit 2009 në L’Aquila, 2012 në Emilia Romagna dhe 2013 në Lunigiana.

Deformimi i që territori Shqiptarë ka pësuar nga tërmeti, u mat nga platforma në internet Geohazard-tep, e zhvilluar nga ESA, duke përdorur një palë imazhe radar të marra nga satelitët Sentinel-1 nga i njëjti vend, para dhe pas tërmetit, shkruan Opinion.

https://youtu.be/NU6Agtk1z30

Lajmi që Shqipëria vazhdon të dridhet nga tërmetet po bën xhiron e botës. BBC thotë se operacionet e shpëtimit po vështirësohen pasi toka po lëkundet sërish.

Kurse e përditshmja më e madhe online në Britani, Daily Mail, ka intervistuar një nga sizmiologët më të njohur në vend.

Dr. Brian Baptie nga Shërbimi Gjeologjik Britanik tha se tërmetet në Shqipëri, Bosnje dhe Kretë të Greqisë janë pjesë e të njëjtit grumbull tërmetesh.

“Tërmetet vijnë në grup ose sekuenca, çka e bëjnë të duket sikur ka më shumë lëkundje brenda një periudhe të shkurtër kohore”.

Sipas tij, një tërmet i madh provokon tërmete më të vogla në formën e pasgoditjeve, por mund të provokojë një tërmet edhe më të madh më vonë.

“Në Itali në vitin 2016 pati një seri tërmetesh të vogla pas tërmetit 6.2 ballë. Por pas tre muajsh pati një tërmet të madh 6.5 ballë”.

Sivjet janë regjistruar mbi 11.700 tërmete në mbarë botën, shumica e tyre me magnitudë më pak se 5 ballë dhe vetëm një me magnitudë mbi 8 ballë.

Magnituda e tërmetit nuk ka lidhje doemos me numrin e viktimave. Në rastin e Perusë në maj, magnituda ishte 8 ballë, por u shënuan dy viktima.

“Numri i tërmeteve me magnitudë 6 dhe sipër nuk është rritur, por efekti i grumbullit kur tërmetet sekondarë provokohen nga një fillestar, bën të duket sikur ka pasur rritje”.

Ai thotë se ka një rritje të numrit të tërmeteve, por kjo vjen për shkak se janë përmirësuar pajisjet e matjes.

Sipas tij, që të ketë rritje të numrit të tërmeteve duhet të ndryshojnë procese të rëndësishme në tokë, çka nuk ka ndodhur.

Por ai thotë se ka pësuar ndryshim numri i tërmeteve të provokuara nga njeriu. SHBA për shembull depoziton ujin e mbetjeve nën tokë, duke shtuar numrin e tërmeteve artificialë.

Personat që shihni në foto janë 3 anëtarët e familjes Çupi, të cilët ndërruan jetë nën rrënoja pas tërmetit të fuqishëm që god*iti Thumanën.

Hajredin, Lute dhe Klement Çupi, bashkë me djalin tjetër të familjes, ishin në banesën e tyre në katin e tretë të pallatit 6-katësh, kur tërmeti me magnitudë 6.3 të shkallës rihter, shkatërroi gjithçka dhe rrënojat i zunë brenda. Nga ngjarja e rëndë shpëtoi mrekullisht një nga djemtë. Mes dhimbjes dhe lotëve, motra e Hajredinit, të zotit të shtëpisë, prek me fjalë zemre, kushtuar viktimave.

“Te preheni ne paqe ! Qofshi engjej te parajses!
O Keli hallës ike shume shpejt nga ne o shpirt
O Zemrat e mia sa shpejt na ndau Zoti! Na e bete shpirtin cope o shpirt i motres !
Do jeni gjithmone me ne! Pushofshi ne xhenet Hajredin, Lute & Keli Çupi”, shkruan halla.

Kujtojmë se Klementi dhe vëllai i tij Aleksi kishin vetëm 3 ditë që kishin ardhur në Thumanë, pasi jetonin njëri në Angli dhe tjetri në Greqi.

https://youtu.be/NU6Agtk1z30

https://youtu.be/KquB5P77GtA

https://youtu.be/ilWtYDIPXyM

Më shumë se 24 orë nga tërmeti 6.4 ballë që go*diti Shqipërinë një ditë më parë duke shka*ktuar 31 vikti*ma, vijojnë kërkimet për mbi 20 persona që kanë mbetur të bllo*kuar nën rrënoja. Forcat speciale po gërmojnë në 6 pika mes zonave të Durrësit, Kënetës dhe Thumanës. Pjesa më e madhe e njerëzve të humbur raportohen në zonën e Kënetës në Durrës dhe Thumanë.

Tërmeti më i fuqishëm në 70 vjet mori 31 jetë njerëzish, bilanc i cili shpresojmë të mos të rritet dhe shka*tërroi qindra ndërtesa në Durrës.

https://youtu.be/KquB5P77GtA

Tetova News, në galerinë më poshtë, ju ka sjellë me foto, çfarë la pas ky tërmet që do mbahet mend gjatë.

Ushtria e Kosovës që dje në mëngjes ka qenë në Shqipëri me ekipet e shpëtimit për të nxjerrë banorët e mbetur në rrënoja pas tërmeteve.

Por përveç ekipeve, një qen i trajnuar është bërë hero, pasi ka shpëtuar deri tani tre persona,duke i identifikuar nën rrënoja./E.B-dritare.net

Foto/ Çfarë la pas tërmeti që mori jetë njerëzish!

Në rrënojat në zonën e ish-Kënetës po kërkohen 4 fëmijë dhe dy të rritur.

Në banesë jetonin 3 familje. E moshuara e shtëpisë, Sadetja, me një djalë të paralizuar dhe familjet e 2 djemve të tjerë, emigrantë në Itali.

Nën rrënoja është djali i pamartuar, nusja e shtëpisë me 3 fëmijë, (binjakë dhe një djalë) si edhe një vajzë.

Dje u nxorën trupat e Sadetes dhe një vajzë të vogël dhe shpëtoi 17-vjeçari Ramë Lala.+

Pas plot 19 orësh nën rrënoja është bërë i mundur shpëtimi i 25-vjeçarit Klajdi Qato. Lajmi u bë i ditur nga ministria e Mbrotjes ku shpëtimi i tij kishte ndodhur rreth orës 1 pas mesnate nga ekipet shqiptare dhe greke të shpëtimit.

I riu, cili qëndroi 19 orë nën rrënoja është transportuar menjëherë në spital për të marrë ndihmën e nevojshme.

Një tërmet i fuqishëm prej 6.4 ballës goditi Shqipërinë në orët e para të mëngjesit të së martës duke shkaktuar deri tani 24 viktima deri tani. Zonat më të prekura nga tërmeti janë Thumana dhe Durrësi./Opinion.al/

LIVE:

https://youtu.be/NU6Agtk1z30

https://youtu.be/5u6ei_eRYgo

Doli e gjallë nga rrënojat, por 30-vjeçarja që kishte pasion pikturën humbi jetën pak orë më vonë. Diena Meçaj Karanxha, në mëngjes sot e kishte humbur fëmijën e saj 8-vjeçare.

Vetë gruaja, u gjet nën rrënojat e një pallati 6-katësh në Durrës. U dërgua në spital por tani në mbrëmje u njoftua vde*kja e saj.

Më herët policia kishte njoftuar se “pas shkollës së “Mjeshtërisë” në rrënojat e një pallati 6-katësh, pas 14 orë përpjekjesh, forcat speciale Renea, bënë të mundur nxjerrjen e 30-vjeçares e cila është dërguar menjëherë në spital për ndihmë mjekësore. Rreth 2 orë më parë, Renea nxori edhe vajzen e saj të mitur 8-vjeçare e cila kishte humbur jetën”.

Familja Karanxhaj ka pesuar nje tra+gjedi te vertete, duke qene se pak kohe me pare Diena kishte humbur bashkeshortin, ndersa sot humbi vajzen dhe ju bashkua familjes edhe vete. Dhimbje.

Ne vitin 2015 ajo kishte lene nje shenim ne Facebook dedikuar bashkeshortit te saj qe kish nderruar jete.

“Mendoja gjithmone qe zoti me kishte dhene shume lumturi,duke pasur nje shok e nje bashkeshort si Dori im,por jeta qenka nje sprove e vertete. Me mungon shume bebi im”, shkruante ajo./GSH.al

Me qindra banorë të Durrësit këtë natë do ta kalojnë jashtë. Disa për shkak se banesat e tyre janë dëmtuar totalisht dhe të tjetër se kanë frikë të qëndrojnë në shtëpi.

Në stadium janë vendosur çadra dhe derisa ato u ndanë situata ishte kaotike.

Disa pallate të pabanueshme janë konstatuar nga vetë administratorët e pallateve. Banorët e mbi 30 banesave të dëmtuara nuk duhet të qëndrojnë më në to për sa kohë që rreziku është evident./abcnews.al