Sonte ne Shkup u mbajt konventa promovuese e kandidatit për president të partive në pushtet LSDM-së, BDI-së, Alternativës dhe PDSH-së, Stevo Pendarovski. Në fjalën e tij para të pranishëmve, Pendarovski ka folur për konfliktin e vitit 2001.

“Republika e pare e Maqedonise u krijua ne viti. 1944, e dyta u krijua në vitin 1991 me shpalljen e pavarësisë, ndërsa e treta me Marrëveshjen e Ohrit në vitin 2001 që mundësoi inkluzivitet dhe të drejta të barabarta, kurse republika e katërt është Republika e Maqedonisë së Veriut”, deklaroi Pendarovski.

Ai u bëri thirrje qytetarëve që të dalin masovisht në zgjedhje më 21 prill dhe 5 maj, sepse siç tha, kjo është mënyra e vetme që vendi të ecë përpara drejt BE-së dhe NATO-s.

“Në këto zgjedhje do e marim atë që na e morën para 5 viteve”, tha Pendarovski.

Kandidati për president, Prof. Blerim Reka, gjatë pasditës së sotme vazhdoi fushatën e tij në komunën e Haraçinës, ku u takua me mijëra qytetarë.
Gjatë takimit, i shoqëruar ishte edhe lideri i Alenacës për Shqiptarët, Ziadin Sela si dhe kreu i Lëvizjes Besa, Bilall Kasami, shkruan gazeta KOHA.

Lideri i Aleancës për Shqiptarët, Ziadin Sela theksoi se si jemi të përcaktuar për të ndërtuar sistem të mirrëfilltë të qeverisjes, së bashku me votat e shqiptarëve.

“Ta fuqizojmë votën e shqiptarëve, që në mënyrë të mos varemi nga udhëheqësit politk qeveritar. Diskrimini duhet të merrë fund dhe Prof. Blerimi Reka do ta ndalojë këtë rrugëtim politik. Çdo veprim i Ali Ahmetit ka qenë i dëmshëm për shqiptarët. Reka, është këtu për të treguar se ne jemi shqiptarë, do të jetojmë dhe do të vdesim si shqiptarë. Apelojë, mos ti dëgjojmë partitë e tjera politike dhe ftesat e tyre për kandidimin e liderëve të tyre. Të mos e turpërojmë themelin dhe pragun e shtëpisë tonë dhe këtë ta dëshmojmë me 21 prill kur duhet ta votojmë Blerim Rekën”, tha Sela.

Në anën tjetër, kreu i Lëvizjes Besa, Bilall Kasami, saktësoi se sa shumë është e rëndësishme që në këto zgjedhje të votojnë një kandidat shqiptarë i cili seriozisht është futur në këtë garë për të sfiduar dy kandidatët e tjerë.

“Kandidimi i Prof. Blerim Rekës do të mbetet në memorjen historike, që edhe në këtë cikël zgjedhor, do të duhet t’ju tregojmë të gjithëve se çështjet shqiptare në Maqedoni nuk janë të mbyllura. Mjaft më shqiptarët të votojnë një kandidat maqedonas, mjaft më treguam që jemi evropian duke votuar të tjerët. Është koha që edhe të tjerët të tregojnë se janë evropian duke votuar një shqiptar siç është Prof. Blerim Reka. Dhe, Reka nuk është në këtë garë sepse është shqiptarë, por është në këtë garë sepse është kandidat më i mirë se dy kandidatët e tjerë në çdo aspekt”, u shprehë Kasami.

Gjatë tubimit Prof. Blerim Reka tregoi edhe rëndësinë e kandidimit të tij, në veçanti vlerat dhe forcën që ka treguar Haraçina gjatë këtyre dekadave.

“Haraçina kreshnike, e cila nuk u përkul në vitin 2001 dhe nuk do të përkulet as ne 2019. Kandidimi im ka edhe simbolikën e bashkimit të shqiptarëve dhe kjo shihet edhe nga fjala që e unë e përdori nga besë-lidhja që vjen nga dy subjektet politike që përkrahën kandidimin tim. Me këtë shqiptarët do ta zhdukin kompleksin e inferioritetit. Deri tani na thuhet se këto partitë që janë në pushtet ofrojnë shoqëri për të gjithë por ne duam shtet për të gjithë, ndërsa sot shteti nuk është për të gjithë. Mos pranoni oferta që janë të kamufluara për shkak se ato janë të dëmshme për shqiptarët. Nuk duhet të bëhemi makineri votuese, ju keni fuqinë që të zgjidhni se kënd dëshironi të votoni: vëllaun ose kojshitë. Të tjerët ju thoni se duhet ta votoni kojshinë në vend të vëllaut, unë ju them votoni vëllaun. Ju nuk do të tradhtoni mundin dhe veprën që e arritët ne 2001”, nënvizoi Prof. Blerim Reka. (koha.mk)

Ish-kandidati presidencial dhe ish-kryetari i DR-së, Imer Selmani i ka bërë thirrje shqiptarëve që të votojnë për kandidatin presidencial të partive në pushtet, Stevo Pendarovski. Ai ka qenë i pranishëm në konventën e kandidatit presidencial Pendarovski në Shkup.
Pas kësaj ka reaguar Profesori Arsim Sinani duke e quajtur një filomaqedon i dëshmuar.

Në vijim postimin e plotë të Arsim Sinanit:

“Imer Selmani e paska mbështet publikisht Stevo Pendarovskin, për mua asgjë e re, një filomaqedon i dëshmuar që është i gatshëm ta shes lëkurën e shqiptarit për dy grosh.

Republika e Shqipërisë urgjentisht tia merr titullin konzull nderi pasi me protokolle një diplomat nuk merr pjesë në fushata elektorale dhe për arsye tjera etike.

Imer Selmani me këtë veprim ia ngriti vetes lapidarin e turpit.”, ka shkruar Sinani në postimin e tij.

Dy ditë pas tragjedisë së Llasakarcës në të cilën jetën e humbën 16 njerëz, kompania e transportit me autobus “Durmo turs” ka fituar tender për transport të nxënësve. Kontrata është nënshkruar më 15 shkurt, ndërsa të hënën është publikuar në ueb faqen e Agjencisë për Furnizime publike, informon gazeta KOHA.

Tenderi është shpallur nga Shkolla e Mesme “Negotinë” nga fshati Negotinë – Komuna Vrapçishtë, ndërsa “Durmo turs” është përzgjedhur në konkurencë edhe të një kompanie tjetër. Sipas marrëveshjes “Durmo turs” duke filluar nga 15 shkurti deri në fund të vitit do të bëjë transportin e nxënësve të gjashtë fshatarave nga shtëpia për në shkollë dhe anasjelltas. Kriteriumi i vetëm për të fituar tenderin ka qenë oferta më e ulët.

Sipas të dhënave të Agjencisë për Furnizime Publike “Durmo turs” ka ofruar çmim prej 700 denarë për nxënës, ndërsa kompania konkurente 3300 denarë. Vlera e përgjithshëme e tenderit me TVSH është 27.600 euro, njofton gazeta KOHA.

Drejtori i i shkollës së Negotinës, nuk ka dhënë sqarim për këtë tender, ndërsa përgjiegjësit e shkollës kanë thënë për IRL-Macedonia, se drejtori është në pushim vjetor.

Pas hetimit të fatkeqësisë janë arestuar pronari i kompanisë, vozitësi i autobusit dhe pesë persona tjerë, midis tyre edhe një person nga sektori juridik i cili ka dhënë dokumente se autobusi është në rregull.

Hetimi ka treguar se frenat e autobusit nuk kanë qenë në rregull edhe pse kjo ka qenë e konstatuar gjatë kontrollit teknik. Në qershor të vitit 2018 i është dhënë leje për punë. I njëjti edhe përkundër parregullësive teknike, ka kaluar kontrollin teknik edhe në dhjetor të vitit 2018. Po ashtu është konstatuar se është manipuluar tahografin ku nuk është regjistruar dhe treguar shpejtësia reale e vozitjes.

Defektet e frenave dhe shpejtësia e madhe janë arsyet e aksidentit. Gjyqi u shqiptojë paraburgim pronarit, vozitësit të autobusit dhe udhëheqësit të kompanisë.