Kryetari i Këshillit Evropian, Donald Tusk ka deklaruar se Bashkimi Evropian (BE) e mbështet të ardhmen evropiane të shteteve të Ballkanit Perëndimor, pasi që siguria e rajonit do të thotë siguri edhe për Evropën.
Pas takimit me kryeministrin slloven, Miro Cerar, Tusk theksoi se samiti i radhës BE-Ballkani Perëndimor, që mbahet në Sofje, duhet të shfrytëzohet për të shprehur mbështetjen e perspektivës evropiane të rajonit.
Nga ana tjetër, kryeministri Cerar tha se Sllovenia mbështet integrimin e rajonit, por pasi që të plotësohen kushtet për anëtarësim./sn/
