Gjermania po kërkon stafin mjekësor, më të nevojshmet janë kujdestaret. Kërkesa është rritur me 50 për qind që nga viti 2015. Rreth 35 mijë persona për të plotësuar personelin mjekësor që kujdeset për të moshuarit dhe të sëmurët, raporton Employland.de, përcjell albinfo.ch.
Parashikimet janë se në vitin 2030 mungesa e personelit shëndetësor do të arrijë pothuajse një milion njerëz, përveç 165,000 mjekëve, gjithashtu do të mungojnë 800,000 punonjës të tjerë mjekësorë.
Iniciativa e „Mother Hood” në vitin 2017 lëshoi një paralajmërim për udhëtimet e grave shtatzëna në disa pjesë të Gjermanisë për shkak të spitaleve të mbyllura të lindjes dhe mungesës së mamive, ku nuk mund të garantohet lindja e sigurt. Konsiderohet se vetëm një fluks i madh i emigrantëve me këto profesione mund ta zgjidhë problemin.
