Dy investime të reja në vlerë prej 11 milion eurosh, me potencial për të hapur nga 80 vende të reja pune, paralajmëroi sot zëvendës kryeministri për çështje ekonomike Koço Angjushev. Ai theksoi se edhe sipas të dhënave të bankës popullore të RM-së, për tremujorin e parë të këtij viti në vend kanë hyrë 235 milion euro investime të drejtpërdrejta të huaja gjë që sipas metodologjisë së bankës – është rekord në 12 vitet e fundit. Këto rezultate dhe numra, siç tha Angjushev, vetë flasin për kritikat e politikave ekonomike të qeverisë.
“Investimi Zenit Internacional prej 98 milion eurove që do të prodhojë në zonën e lirë doganore Bunarxhik, do të prodhojë ngrohës për bojler me 80 punësime, dhe “Balkanlar Plastik” kompani nga Turqia, e cila do të investojë 3 milion euro me 60 deri më 80 punësime, ndërsa do të prodhojë ambalazh nga plastika”, tha Koço Angjushev – zëvendës kryeministër për çështje ekonomike.
Angjushev nuk deshi të komentojë kërkesën e partisë opozitare të VMRO-DPMNE-së në lidhje me zgjedhjet e parakohshme parlamentare, mes të tjerash edhe për përmirësimin e klimës ekonomike në vend. Por megjithatë porositi se për të mirën e ekonomisë, Maqedonia nuk mund ti lejojë vetes zgjedhje çdo vit.
Për aktivitetet ekonomike të shtetit, nuk rekomandohen zgjedhjet e shpeshta. Kështu që vlerësojmë se stabiliteti është një gjë shumë e rëndësishme për ekonominë, ndërsa aspektet e tjera nuk do të doja ti komentoj”, u shpreh Koço Angjushev – zëvendës kryeministër për çështje ekonomike.
Partia opozitare VMRO-DPMNE, edhe sot publikoi kumtesë plotë me akuza në llogari të qeverisë, se nuk din se si ballafaqohet me problemet ekonomike.
VMRO-DPMNE – REAGIM I PRES KONFERENCËS SË KOÇO ANGJUSHEVIT
Karteli i qeverisë vetëm për një vit arriti që ta shkatërrojë të gjithë ekonominë. Ekonomia e Maqedonisë është në gjendje alarmante, sektori i tekstilit është para kolapsit, ndërtimtaria shënon rënie, bujqësia ka rënë në gjunjë, metalurgjia është duke u zhdukur, ndërsa xehetaria është në prag të zhdukjes.
Në lidhje me kthimin e TVSH-së, një nga adutët më të mëdha të LSDM-së në programin parazgjedhor, Angjushev tha se si pilot projekt së pari do të lëshohet në disa komuna që të shihet se si do të funksionojë, pas çka do të sjellë vendim Ministria e financave.
Përgatiti: Mihajllo Vidimliski
