Të gjithëve së paku një herë në jetë kanë pasur lemëz dhe për disa është shumë e bezdisshme dhe e vështirë për ta larguar. Këtu janë disa mënyra të çuditshme, por që funksionojnë për ta ndalur lemzën:
1. Mbylleni hundën dhe pini një gotë ujë- Një metodë për heqjen e lemzës është mbyllja e hundës gjatë kohës kur pini një gotë ujë. Mund të ndodh që të mos funksionojë herën e parë, por dy apo tre herë është e mjaftueshme.
2. Një lugë mjaltë- Merreni një lugë të çajit mjaltë dhe përzijeni mirë në një gotë ujë. Mjalti i ngacmonë nervat vagus dhe besohet që e ndalë lemzën.
3. Hani diçka pikante- Për disa njerëz funksionon ngrënja e ushqimeve pikante, një sasi e vogël është e mjaftueshme sepse djegia që i jepet gjuhës nga ushqimet pikante bënë që të harrohet lemza dhe kjo edhe e ndalë atë.
4. Mbajeni frymën dhe mbyllini veshët- Në fillim duhet që të merrni dhe ta nxirrni frymë pastaj të mbushni mushkritë, të mbani frymë dhe të mbyllni veshët. Nëse kjo nuk është e mjaftueshme provoni që gjatë frymënxerrjes të nxirrni gjuhën jashtë.
5. Hani një lugë kakao- Gëlltitja e një luge kakao ndalë lemzën, por për disa njerëz edhe qumështi me çokollatë funksionon.
6. Pi një gotë ujë pa i përdorur duart- Ju duhet të vendosni gotën diku në një tavolinë dhe të pini shpejt sa më shumë ujë që mundeni pa përdorur duart.
7. Hani diҫka shumë të ëmbël- Mund të hani çfarëdo ushqimi të ëmbël, mund edhe të gëlltitni një lugë sheqer nëse nuk keni diçka tjetër të ëmbël rrotull.
8. Mund të hani diçka të tharët- Limoni është metoda më e përdorur për të larguar lemzën, por nëse nuk mund të duroni thartirën e limonit mund t’i shtoni pak sheqer ose të pini një lugë uthullë, transmeton rtv21.tv.
9. Të pini ujë me gëlltitje të vogla- Mund të provoni të pini ujë duke e gëlltitur në sasi shumë të vogël dhe duke marrë frymë në mes të secilës gëlltitje.
10. Nuhatni aroma të forta- Nuhatja e uthullës ose kripës ose edhe lëmgut të limonit mund të ndihmojë në ndaljen e lemzës./21Media/
