Pas mbledhjes së përbashkët do të nënshkruhen disa marrëveshje bashkëpunimi, ndërsa më pas kryeministri i Shqipërisë, Edi Rama dhe homologu i tij malazez, Dushko Markoviç, do të mbajnë një konferencë për mediat
Në qytetin e Shkodrës po mbahet mbledhja e përbashkët mes Qeverisë së Shqipërisë dhe Qeverisë së Malit të Zi, raporton Anadolu Agency (AA).
Fillimisht është organizuar ceremonia zyrtare e pritjes së kabinetit qeveritar të Malit të Zi, ndërsa më pas ka filluar mbledhja e përbashkët qeveritare.
Pas mbledhjes do të nënshkruhen disa marrëveshje bashkëpunimi, ndërsa më pas kryeministri i Shqipërisë, Edi Rama dhe homologu i tij malazez, Dushko Markoviç, do të mbajnë një konferencë për mediat.
Gjithashtu është planifikuar të mbahet edhe forumi i përbashkët i biznesit mes dy vendeve.
Kujtomë se më parë janë mbajtur disa mbledhje të përbashkëta qeveritare Shqipëri-Kosovë, ndërsa vitin e kaluar u mbajt edhe mbledhja e përbashkët qeveritare mes Qeverisë së Shqipërisë dhe Qeverisë së Maqedonisë.
