Vetëm pak ditë më parë një 17-vjeçare nga Gjirokastra u denoncua nga familjarët e saj si e rrëmbyer nga burri i hallës. Mirëpo, edhe pse nuk di mirë gjuhën shqipe pasi flet vetëm gjuhën e komunitet rom, vajza thotë sot se ka ikur me dëshirë tek Edi, burri i saj.
Ajo shprehet se po qëndron në Levan me dëshirën e saj dhe iku se donte burrin.
“Jo nuk më kanë rrëmbyer. Mora Edin, erdha tek burri. Prindërit më kanë kërkuar. Por, s’doja të kthehesha se mora burrin. Do qëndrojë tek burri. Dua të rri me Edin. Babai më maroi me zor me një burrë tjetër, më çoi në Sarandë, ai më hoqi fëmijën. S’dua të flas me babin as nuk dua të iki”
Po ashtu edhe të afërmit e djalit thonë se vajza ishte martuar me zor nga prindërit, që madje i kishin hequr dhe fëmijën 4 muajshe.
