Fregata e marinës norvegjeze që dështoi në kthimin në shtëpi pas një aktiviteti serioz në stërvitjen ushtarake “Trident Juncture 2018” të NATO-s, është pothuajse plotësisht e zhytur nën ujë, pasi u përplas me një cisternë nafte.
Tetë anëtarë të ekuipazhit u plagosën kur “KNM Helge Ingstad” dhe anija çisternë “Sola TS” u përplasën javën e kaluar jashtë bregut perëndimor të Norvegjisë, duke përfunduan jo shumë pozitivisht stërvitjen më të madhe në historinë e NATO-s.
#Norway Frigate KNM Helge Ingstad involved in collision with oil tanker Sola TS at Sture https://t.co/kcrrZv1jCf pic.twitter.com/IqLPRcxmQ8
— Joseph Dempsey (@JosephHDempsey) November 8, 2018
Që atëherë, fregata është zhytur ngadalë në ujë pavarësisht përpjekjeve për të shmangur këtë humbje kolosale për ushtrinë norvegjeze.
Overnight #Norway Frigate KNM Helge Ingstad broke its moorings and slipped further into the sea https://t.co/6b2yPvJWlN pic.twitter.com/WjT0xsBHLV
— Joseph Dempsey (@JosephHDempsey) November 13, 2018
Fotot nga vendi i ngjarjes tregojnë një pjesë të vogël të luftanijes mbi ujë, ndërsa pjesa tjetër e saj është zhytur plotësisht. Kjo vjen edhe pse përpjekjet për ta shpëtuar vazhduan prej të enjtes duke e lidhur luftëanijen në breg me disa tela.
Anija e fundosur është lajm i keq për NATO-n, duke pasur parasysh se stërvitja “Trident Juncture” ishte projektuar për t’i dërguar një “mesazh të qartë kundërshtarëve” se NATO është “gati për t’u mbrojtur … kundër çdo kërcënimi”.
