Kryeministri Edi Rama është vënë përballë dhjetra halleve të disa prej studentëve.Rama është vënë në siklet teksa ka dëgjuar njëra pas tjetrës disa nga ankesat më shqetësuese të studentëve të cilët kanë braktisur shkollën e lartë për shkak të pamundësisë financiare, punojnë dy punë dhe përballen me kushte skandaloze në konvikte e universitete.
Ndër problemet më shqetësuese kanë qenë ato të studentëve të verbër të cilët duhet të paguajnë tarifat për arsimin e lartë si gjithë të tjerët. Ata shprehen se në familje janë 5 apo 6 persona ku në rastin më të mirë punon vetëm një.
