Ermonela Jaho shkëlqeu në Traviatën e Verdit, duke elektrizuar Operën e Bastijës, Paris e duke marrë nga shtypi vendas ”Toute la Culture” vlerësimet më të mëdha.
Ajo e mishëron aq mirë personazhin e Violetës sa mund të thuhet se së bashku me Madame Butterfly, janë absolutisht të preferuarit e saj. Një triumf shpërthyes të cilin e ndau edhe me dy kolegët e skenës Charles Castronovo dhe Ludovic Tézier.
Në formë të jashtëzakonshme ishte edhe orkestra dhe kori i operës nën dirigjimin e Karel Mark Chicon. Por ishte Violeta ajo që rrëmbeu më së shumti zemrat e publikut, një interpetim i shkëlqyer si fizikisht, ashtu edhe vokalisht.
Zëri i Ermonelës përshkruhet si një përzierje force dhe brishtësie që ka magjepsur të pranishmit, një interpretim që siç thotë shtypi francez, do t`i bënte dhe gurët të qanin./atsh
