Milani vijon me ritmin tejet pozitiv të paraqitjeve, teksa këtë fundjavë arriti të mposhtë Empolin me rezultatin 3-0 dhe t’i afrohet sërish Interit në renditje.
Kuqezinjtë e Gattusos zhbllokuan rezultatin në pjesën e parë me Paqueta, por goli u anulua nga Var për pozicion jashtë loje, duke bërë që pjesa e parë të mbyllej në barazim pa gola.
Gjithsesi në 45 minutat e dyta kuqezinjtë ishin perfektë dhe arritën të shënojnë 3 herë, fillimisht me Piatek dhe më pas me Kessie dhe Castillejo, duke vulosur suksesin.
