Pyetje se përse shumë statuja egjiptiane kanë hundën e thyer ka rritur kuriozitetin tek të gjithë. Dhe kujdestari i artefakteve të lashta egjiptiane në Muzeun e Bruklinit, Edward Bleiberg, tha se beson se dëmtimet janë të qëllimshme.
“Nga mënyra sesi janë bërë dëmtimet e gjetura në skupturë arrij në përfundimin se janë të qëllimshme,”-tregoi Bleiberg, sipas CNN.
Zbulimi i tij erdhi pas hulumtimeve për një ekspozitë të re ‘Striking Power: Iconoclasm in Ancient Egypt’, për të cilën ai është përgjegjës.
Statujat më së shumti i përkasin figurave të fuqishme egjiptiane.
