Një video u bë virale në rrjetet sociale ku shfaqej një maçok që shpëton një mace që po sulmohej nga një qen. Incidenti u regjistrua nga kamerat e sigurisë në një palestër në qytetin e Aracatubës, në shtetin brazilian të Sao Paulos. Në regjistrim, maçoku shihet duke hapur derën e dyqanit për t’u hedhur mbi qenin në një përpjekje për të ndaluar sulmin ndaj një maceje femër. Pasi e shpëtoi kafshën, maçoku vrapoi drejt qenit për ta trembur.
