Në orët e hershme të mëngjesit të sotëm, rreth orës 03:40 në qarkoren e Shkupi, në afërsi të Radishanit një veturë e tipit “Opel Astra’ me targa të Shkupit e drejtuar nga 40 vjeçari M.A. nga Shkupi, ka humbur kontrollin dhe është rrokullisur.
Shoferi ka humbur jetën në vendngjarje, derisa bashkudhëtari B.N. 42 vjeç ka marrë lëndime trupore dhe është dërguar për kurim në spitalin 8 shtatori. Derisa bashkudhëtari me iniciale A.S. 29 vjeç është dërguar në Qendrën Klinike “Nënë Tereza” ku i është ofruar ndihmë mjekësore.
Policia dhe organet tjera kompetente kanë kryer hetim në vendngjarje.
