Në Tanzani, një sëmundje që nuk është diagnostikuar ende ka vrarë 15 persona dhe më shumë se 50 njerëz janë shtruar në spital.
Sëmundja, e cila shkakton marramendje, të përzier dhe të vjella të gjakut, u shfaq në qytetin Mbeya, në pjesën perëndimore të vendit.
Felista Kisandu, drejtor i Administratës së Shëndetit Publik, u tha gazetarëve se dhjetra njerëz janë shtruar në spital deri më tani dhe se të gjithë kanë pasur ankesa të ngjashme.
Duke deklaruar se shkaku i sëmundjes nuk është përcaktuar ende, Kisandu tha se studimet paraprake tregojnë se shumica e pacientëve janë burra që më parë kishin një ulçerë në stomak ose mëlçi.
Ministri i Shëndetësisë i Tanzanisë Doroth Gwajima tha se një ekip ekspertësh ishte dërguar në rajon për të hetuar situatën.
Në vitin 2018, një numër i madh i njerëzve me ankesa të ngjashme u shtruan në spital në rajonin e Mbeya-s.
