Danimarka ka rënë dakord të lehtësojë më tej masat ndaj COVID-19 muajin e ardhshëm duke hapur parukeritë, llixhat dhe shërbimet e tjera, ndërsa restorantet dhe kinematë do të lejohen të ndjekin shembullin në maj, në varësi të përdorimit të “pasaportave” të koronavirusit.
Danimarka është rihapur gradualisht pasi shkalla e infektimit ka rënë pas masave të gjera të bllokimit të futura në dhjetor për të frenuar një variant më ngjitës.
“Me disa përjashtime, shoqëria daneze është e hapur pasi të gjithë mbi 50 vjeç u është ofruar një vaksinë”, tha kryeministrja Mette Frederiksen.
Sipas Reuters, Danimarka pret që personat mbi 50 vjeç të jenë vaksinuar plotësisht deri në fund të majit.
Javën e kaluar, pak më shumë se 600,000 danezë kishin marrë dozën e tyre të parë.
Qeveria tha gjithashtu se do të zgjasë paketat aktuale të ndihmës ekonomike deri në korrik.
Danimarka ka regjistruar 226,277 infeksione dhe 2,402 vdekje të lidhura me korona që nga fillimi i pandemisë vitin e kaluar.
