Ambasadori i Britanisë në Afganistan thotë se autoritetet britanike kanë arritur të evakuojnë më shumë se 5.000 njerëz, 1.000 vetëm në 14 orët e fundit.
Në një deklaratë në Twitter, Laurie Bristow tha se “përpjekja e madhe” për të larguar të evakuuarit nga Afganistani është “duke u rrumbullakosur”, por se ka ende “një sasi të madhe pune për të bërë”.
Bristow tha se ai është në qendrën e trajtimit të evakuimit në Kabul, ku ushtarë, diplomatë… kanë “punuar gjatë gjithë kohës për t’i nxjerrë shtetasit tanë britanikë, kolegët afganë dhe stafin e ambasadës në siguri”.
Përveç 4,000 shtetasve të Mbretërisë së Bashkuar, mendohet se ka rreth 5,000 aleatë afganë, të tillë si përkthyes dhe shoferë, të cilët janë caktuar për një vend në një aeroplan britanik.
