Një nga problemet më të zakonshme në jetën e përditshme të nxënësve është pesha e çantës së tyre duke shkuar në shkollë.
Sa peshë duhet të ketë më në fund një çantë shkollore? Ka një përgjigje dhe madje edhe një shkencore. Sipas studimeve, u zbulua se pesha e çantës së shkollës duhet të jetë proporcionale me peshën e nxënësit. Në veçanti, studiuesit theksojnë se çanta e shkollës nuk duhet të kalojë 10% të peshës trupore të nxënësit. Prandaj, pesha maksimale e çantës së karrocës shkollore duhet të jetë rreth 20% e peshës totale të fëmijës suaj. Gjetjet bazohen në një studim të 49 fëmijëve të shkollave fillore në Spanjë.
“Për shembull, një vajzë ose një djalë që peshon rreth 50 kg, pesha maksimale e rekomanduar për çantat e shkollës duhet të jetë 5-6 kg dhe çanta me rrota, më pak se 10 kg,” tha Eva Orantes González, PhD, studiuese në Universitetin të Granadës në Spanjë.
Çanta e shkollës, si ta zgjedhim që të mos dëm*tojë kurrizin e fëmijës
Numri i fëmijëve që shkojnë në shkollë dhe që hasin probleme me dhimbje në shtyllën kurrizore, po rritet gjithnjë e më shumë. Shpeshherë ky problem mund të kalojë pa u vënë re ose mund të anashkalohet deri sa vjen një moment kur mund të jetë tepër vonë.
Një nga shkaqet më të mëdha të dhimbjes së kurrizit tek moshat më të reja, është mbajtja e peshave të rënda në shkollë në një çantë shkolle që nuk është e përshtatshme. Studimet e fundit tregojnë një lidhje ndërmjet peshës së çantës së shkollës, problemeve me qëndrimin (posturën) dhe dhimbjes në kurriz.
Përzgjedhja e një çante shkolle të përshtatshme, vendosja dhe mbajtja e saj në mënyre korrekte është shumë e rëndësishme për të siguruar zhvillim të shëndetshëm të shtyllës kurrizore të fëmijës suaj. Një çantë shkolle që vendoset apo mbahet keq dhe është shumë e rëndë, mund të shkaktojë një numër problemesh shëndetësore për fëmijën tuaj – duke bërë më të mundur shkaktimin e problemeve të mëtejshme gjatë jetës. Secili prej këtyre problemeve, veçanërisht kur kombinohen me më tepër se 12 vite shkollimi, mund të bëhen shkak për probleme shëndetësore dhe të shtyllës kurrizore, të tilla si skolioza, kifoza, dhimbje të qafës, dhimbje koke, dhimbje të shpatullave, dhimbje mesi dhe qëndrim (posturë) jo i mirë.
Problemet e qëndrimit (posturës) dhe dhimbja e shtyllës kurrizore tek fëmijët dhe adoleshentët rrisin mundësinë për të shkaktuar dëmtime të përhershme të shtyllës kurrizore në vitet në vazhdim. Megjithatë, shumë prej këtyre problemeve mund të parandalohen, duke ndjekur disa hapa të thjeshta kur zgjidhni dhe përdorni një çantë shkolle.
Përzgjedhja e çantës së shkollës
Gjatë përzgjedhjes së çantës së shkollës për fëmijën tuaj, merrni parasysh këto karakteristika dhe tipare:
Zgjidhni një çantë shpine me dy rripa të cilët lejojnë që pesha e ngarkesës të shpërndahet në mënyrë të njëtrajtshme përgjatë trupit. Çantat me një rrip mund të shkaktojnë dëmtime në shpatull, kurriz dhe qafë për shkak të ngarkesës që nuk shpërndahet njëtrajtësisht.
Qendra e masës së çantës duhet të jetë në nivelin e mesit të trupit.
Zgjidhni një çantë që i përputhet fëmijës dhe i përshtatet përmasave të trupit të fëmijës.
Çanta duhet të mbështetet në mënyrë të rehatshme pas kurrizit. Shmangni çantat të cilat janë më të gjera se sa fëmija juaj.
Çanta duhet të ketë mbërthesë të rripave për të rregulluar gjatësinë e tyre në mënyrë që të ngrihet ose ulet ngarkesa deri sa të arrihet pozicioni i përshtatshëm.
Zgjidhni një çantë shpine me një mbështetëse me formë dhe me rrip mesi të rregullueshëm, në mënyrë që pesha e çantës të mbështetet mbi legenin e fëmijës në vend të shpatullave dhe shtyllës kurrizore.
Rripi i mesit do ta mbajë çantën të puthitur pas trupit dhe të fiksuar ndërsa fëmija është në lëvizje.
Të gjithë rripat duhet të jenë mundësisht me mbështjellëse të buta dhe të gjerë për të ndihmuar në shpërndarjen e peshës së çantës në mënyrë sa të më njëtrajtshme mbi një sipërfaqe sa më të madhe.
Çanta duhet të ketë shtresë të butë edhe në pjesën ku prek kurrizin.
