Ndonëse kishte firmosur nismën e opozitës për mocionin e mosbesimit të Qeverisë, deputeti Kastriot Rexhepi, nuk u paraqit në mbledhjen e Kuvendit për të votuar.
Për këtë shkak ai u përjashtua nga partia amë, Lëvizja Besa, e cila e quajti tradhëti veprimin e Kastriot Rexhepit.
Në daljet e tij të shpeshta para mediave për të arsyetuar veprimin e tij, Rexhepi shprehej i bindur se Maqedonia e Veriut më 14 dhejtor do të merr datë për negociata me BE-në.
Por, tani që vendi nuk mori datën, ai i shmanget mediave. Ekipi i gazetës LAJM e takoi deputetin Rexhepi në një local në Shkup dhe tentoi të merrte qendrimin e tij se si do të veprojë tani që vendi nuk arriti të merr datë, por ai iu shmang gazetarit duke u arsyetuar se ka takim.
Ndërkohë, Rexhepin vazhdojnë ta sigurojnë pjestarët e policisë./Gazeta LAJM
