Ndërsa një burim i thotë ET se marrëdhënia e Kim Kardashian dhe Tom Brady është ende thjesht “miqësore”, thashethemet për romancë kanë shkuar tek ish-të e tyre.
“Nuk ka asgjë romantike që po ndodh mes tyre”, tha burimi për dyhsen. “Të dy kanë prioritet familjet e tyre. Kim është duke shijuar verën e saj.” Sa i përket Kanye West, ish-bashkëshortit të Kim-it, burimi thotë për ET se reperi”ka qenë xheloz për raportimet për Kim dhe Tom”.
Kur bëhet fjalë për Gisele Bündchen, ish-bashkëshorten e Brady, burimi vë në dukje se supermodelja “nuk e ka problem”. “Fokusi i saj kryesor është të ketë një marrëdhënie të shëndetshme dhe të ekuilibruar bashkëprindërore me Tomin”, tha burimi për Gisele. “Ajo i uron atij më të mirën dhe dëshiron që ai të jetë i lumtur”.
Tom dhe Gisele, divorci i të cilëve ishte përfundimtar në tetor 2022, ndajnë vajzën Vivian, 10, dhe djalin Benjamin, 13. Atleti është gjithashtu baba i Jack, 14, me ish-in e tij, 52-vjeçaren Bridget Moynahan. Ndërkohë, Kim dhe Kanye, divorci i të cilëve ishte përfundimtar në nëntor 2022, ndajnë North, 10, Saint, 7, Chicago, 5 dhe Psalm, 4.
Në fillim të këtij muaji, të dy Tom dhe Kim morën pjesë në festën vjetore të Michael Rubin në Hamptons. Ky i fundit foli për thashethemet për romancë mes të ftuarve të festës së tij. “Sinqerisht, ata janë thjesht miq,” i tha Michael medias në gala 20-vjetore të Fondacionit Shawn Carter. “Janë vetëm thashethemet e çmendura që dalin atje.”/Lapsi.al
