Sot (22 nëntor 2023) pata nderin dhe privilegjin që ta takoj dhe zhvilloj bisedë të përzemërt e përmbajtësore, me Vuk Drashkoviqin, njërin nga drejtuesit më karizmatik të opozitës dhe skenës politike në Serbi (themelues dhe kryetar i “Lëvizja e Rimëkëmbjes Serbe” -SPO) të viteve të 90 e më pas; kritikun dhe kundërshtarin më të madh të regjimit të Sllobodan Millosheviqit; ish ministrin e Jashtëm të Federatës serbo malazeze e pastaj i shtetit të pavarur të Serbisë; shkrimtarin e njohur dhe politikanin i cili shpesh e trondit skenën politike me deklaratat e veta të guximshme.
Thotë: “Kosova është shtet i pavarur dhe këtë duhet ta kuptojnë politikanët serb dhe atë shtet ta njoh Serbia”. Njëkohësisht thekson: “duhet patjetër të formohet Asociacioni i Komunave me Shumicë Serbe (sepse këtë e parashikon edhe dokumenti i Ahtisarit) dhe shton: “gabojnë ata të cilët këtë Asociacion e krahasojnë me “Republika Srpska”, sepse nuk kanë asnjë pikë të përbashkët. Por ky krahasim behet nga ats që nuk i njohin hjërat pse për interesa të caktuara meskine e në dëm të Kosovës dhe qytetarëve të saj. Nënvizon se “serbët e shqiptarit duhet të arrijnë pajtimin historik”.
Me që me z Drashkoviq kam zhvilluar tri intervista për mediat kosovare dhe Zërin e Amerikës (1992, 1996 e 2005) e zhvillova edhe një intervistë për të parë evoluimin e qëndrimeve të t’ia rreth Kosovës, e cila do të përfshihet në librin tim me intervista “Kosova -nyje e (pa) zgjidhur” në dy pjesë që së shpejti pritet të dal nga shtypi.
Me këtë rast z. Drashkoviq mi dhuroj dy romanet e tij të fundit dhe më njoftoj se një botues kosovarë e ka marrë pëlqimin për ta botuar njërin nga romanet e tij në gjuhën shqipe.
