Vrasja e Liridonës, sot mbahet seanca dëgjimore ndaj Naim Murselit dhe dy të dyshuarve të tjerë

Sot do të mbahet seanca dëgjimore ndaj Naim Murselit, Granit Plavës dhe Kushtrim Kokollës, të dyshuar për vrasjen e Liridona Ademaj-Murselit.

Seanca është njoftuar të fillojë në ora 09:30, në Gjykatën Themelore të Prishtinës.

Liridona Ademaj u vra të mërkurën, teksa po udhëtonte me bashkëshortin dhe dy fëmijët e saj.

Ajo u varros dje në Gjakovë.

Pas varrimit, forcat policore arrestuan Naim Murselin që ishte bashkëshorti i Liridonës, dhe Granit Plavën.

Naimi dyshohet të ketë paguar Plavën për të bërë atenatin e inskenuar si grabitje.

Kushtrim Kokolla dyshohet të jetë bashkëpunëtor i Murselit dhe Plavës.