Një futbollist italian është dënuar me burg pasi ka rrahur për vdekje ish-të dashurën e tij, me çekiç e shkop bejsbolli.
Giovanni Padovani, 28 vjeç, u dënua me burgim të përjetshëm për vrasjen e Alessandra Matteuzzi, 56 vjeçe, jashtë shtëpisë së saj në gusht 2022 në Bolonjë.
Alessandra ishte në telefon me të motrën Stefania, e cila dëgjoi britmat e saj teksa u rrah me një çekiç, një shkop bejsbolli dhe përfundimisht një stol që Padovani kishte ngritur.
Ish-qendërmbrojtësi, i cili ka luajtur për Sancataldese dhe është gjithashtu një ish-model, i ka zënë pritë Alessandras pasi ekipi i tij i tha të qëndronte larg një seance stërvitore.
Stefania i tha një stacioni televiziv lokal: “Ajo doli nga makina e saj dhe filloi të bërtiste, “Jo Giovanni, jo, të lutem”
“Isha në telefon. Unë menjëherë thirra [policinë] që shkoi menjëherë”.
Pasi çifti u nda, Padovania e bombardoi me mesazhe dhe telefonata, duke e shtyrë atë ta raportonte për ndjekje.
Por ai vazhdoi të sabotonte makinën e saj, shkëputi matësin dhe madje u përpoq të ngjitej në ballkonin e saj.
Padovani u përpoq t’i tregonte gjykatës se nuk ishte në gjendje të mirë mendore në momentin e sulmit.
