ITALI– Më 9 mars, 27-vjeçari Kasem Kasmi u vra ndërsa tre persona të tjerë mbetën të plagosur. Autor i dyshuar i ngjarjes është Mikea Zaka, 23-vjeç, tashmë i arrestuar.

Fokusi i hetuesve është te prostitucioni dhe droga, pavarësisht se në deklarimet fillestare Zaka tha se sherri nisi për një vajzë. Mediet italiane raportojnë se pas përplasjes brenda në lokal është ngjallur frika se familjet shqiptare mund të hakmerren. Arma e krimit ende nuk është gjetur.

Sakaq, është bërë publike video tronditëse e krimit. Klientët, të cilët ndodhen në lokal në momentin e të shtënave, nxitojnë dhe shtrihen poshtë tavolinave në përpjekje për t’i shpëtuar plumbave. Ndërkohë në sfod dëgjohen 7 të shtëna armësh.

Rindërtimi

Kasmi me vëllanë dhe dy shokët e tij kishin hyrë në klub për t’u përballur me kundërshtarin. Motivi i krimit fillimisht u lidh me një grua, por prokuroria nuk e beson dhe vazhdon të dyshojë se përplasja mes tyre ka ardhur për pazare droge dhe prostitucion.

Po kërkohet arma e vrasjes

Policët e Skuadrës Fluturuese të drejtuar nga Flavio Genovesi janë duke kërkuar armën e vrasjes me ndihmën e zjarrfikësve. Është një armë e kalibrit 22 nga e cila u qëllua shtatë herë dhe të cilën Zaka pranoi se e kishte hedhur pranë urës mbi lumin Cosa në Via Verdi. /vizionplus.tv

Misteri që mbulon masakrën në Frosinone, nga çfarë kishte frikë Mikea Zaka?

Mikea Zaka, 23 vjeçari shqiptar i arrestuar pas të shtënave në Frosinone që i kushtuan jetën bashkatdhetarit të tij Kasem Kasmi (27 vjeç), kishte frikë se mos rrëmbehej.

Ndërkohë që hetimet për motivin vazhdojnë, nga sherri për një grua deri te lufta mes bandave për trafikun e drogës, ende mbetet mistet reagimi i Zakës, sipas medieve italiane.

Ai kishte frikë se Kasmi dhe të tjerët donin ta rrëmbenin, shkruan Vizion Plus.tv.

Kjo mbase ishte aryseja pse Zaka filloi të qëllonte në një lokal të mbushur me njerëz, duke rrezikuar të shkaktonte të masakër. Dhe ka një detaj tjetër.

Viktima, vëllai dhe dy miqtë e tij mbërritën me një Lancia Ypsilon të bardhë dhe e parkuan atë midis hyrjes së një rruge të vogël dhe gjysmës së një karrexhate në Via Aldo Moro. Mbi të gjitha e lanë hapur. Pse?

Arsyeja e vetme e besueshme është se ata donin ta linin gati për një arratisje. Ideja që Kasmi dhe të tjerët kishin hyrë në lokal për të rrahur Zakën është e pabesueshme. Pse ta bënin atë në një lokal plot me njerëz? Mund ta kishin bërë në një rast tjetër pa tërhequr vëmendjen. Ideja, ndoshta, ishte ta kapnin dhe ta merrnin.

Debati shumë i shkurtër që ndodhi para të shtënave mund të ishte një kërcënim për ta ndjekur, ndoshta edhe një përpjekje për ta larguar me forcë. Pikërisht, një lloj rrëmbimi blic. Por Zaka nuk i dha kohë. Ata nuk dyshonin se ai ishte i armatosur dhe mbi të gjitha nuk mund të merrnin parasysh atë lloj reagimi, shkruan Vizion Plus.tv.

Zaka dyshohet se u ka thënë hetuesve: “Duhet të mbrohesha”. Por nga çfarë duhej të mbrohej në një lokal plot me njerëz? Hetuesit kanë mohuar hipotezën se Kasemi apo një grup tjetër i tij ka qenë i armatosur, atëherë pse qëlloi Zaka? A ishte nën efektin e drogës apo alkoolit? Mbi këtë hipotezë të fundit, fakti që 23-vjeçari qëlloi në atë mënyrë gjen vetëm një përgjigje, sado e çmendur të duket, kishte frikë për jetën e tij. Po përse Kasemi dhe të tjerët ishin inatosur me të?

E dashura

Hetuesit identifikuan vajzën me të cilën Zaka kishte një lidhje romantike prej disa kohësh. Sipas asaj që i arrestuari deklaroi gjatë marrjes në pyetje, sherri nisi për të dashurën e tij.

Vajza ende nuk është intervistuar nga hetuesit , por ata do ta bëjnë këtë në orët në vijim. Vetëm ajo mund t’i ndihmojë hetuesit për të sqaruar këtë aspekt dhe për të verifikuar nëse është e vërtetë që Zaka është rrahur disa herë sepse nuk duhej të takohej me vajzën.

Është e qartë se ka pasur disa precedentë që nuk e kanë lënë Zakën të qetë. A donin ta merrnin të shtunën mbrëma për t’i dhënë mësimin e fundit? Por duhet sqaruar edhe lidhja që vajza (e dashura e Zakës) kishte me grupin e Kasmit.

Hetuesit nuk e besojnë se sherri nisi për një grua, por besojnë se të shtënat ishin epilogu i një lufte bandash, ndoshta për trafik droge./vizionplus.tv