TikTok po sjell disa risi të reja në mesazhet direkte, dukë përfshirë kështu bisedat në groupchat të shumëkërkuara.
Kompania ByteDance shprehet se bisedat në grup nuk janë ende të disponueshme për të gjithë përdoruesit e aplikacionit në mbarë botën, por ata që e kanë këtë funksion mund të shkëmbejnë mesazhe në grupe deri në 32 persona.
Një bisedë në grup mund të fillohet në disa mënyra. Përdoruesi në kutinë hyrëse mund të prekë butonin Chat që ndodhet në krye të ekranit ose emrin në listën e mesazheve dhe më pas butonin, “Më shumë opsione”. Pas kësaj, është e nevojshme të zgjidhni miqtë që përdoruesi dëshiron dhe në fund të zgjidhni opsionin Start group chat.
Një mënyrë tjetër për të krijuar një bisedë në grup është të ndani një postim me shumë njerëz. Kur përdoruesi dëshiron të flasë për një video me më shumë se një person, ai duhet të shtyp butonin Share dhe më pas të zgjedhë opsionin Krijo bisedën në grup. Më pas duhet të zgjidhni miqtë të cilëve dëshironi t’u dërgoni videon, t’i shtoni një mesazh nëse dëshironi dhe më pas të filloni një bisedë për përmbajtjen e dërguar.
Përdoruesi mund të pranojë ftesat e bisedës në grup, të cilat do t’i marrë përmes inbox-it të tij. Është e mundur të ftoni vetëm njerëz që të gjithë i ndjekin. Në rastin e mesazheve standarde direkte, bisedat në grup nuk janë të disponueshme për përdoruesit e moshës 13 deri në 15 vjeç. Kur bëhet fjalë për njerëzit që janë 16 dhe 17 vjeç, ata mund të bashkohen në biseda në grup nëse kanë të paktën një mik të përbashkët. Nëse ata krijojnë një bisedë në grup, ata duhet të kontrollojnë dhe miratojnë manualisht çdo përdorues të ri që bashkohet.
Ndërkaq, kalimi i një kohe të gjatë në platformën e mediave sociale, veçanërisht duke parë përmbajtje pro-anoreksie mund të dëmtojë vetëvlerësimin e një vajze të re dhe të rris rrezikun e çrregullimeve të ushqyerjes, sipas kërkimeve nga Universiteti Charles Sturt në Australi.
