Një familje në Fort Myers, Florida, ishte brenda shtëpisë kur një tornado hoqi çatinë e banesës të mërkurën.
Uragani Milton ka shkaktuar disa tornado, si dhe shi të rrëmbyeshëm dhe stuhi që po godasin bregdetin ndërsa pjesët më të rrezikshme të stuhisë po afrohen.
Robert Haight i tha AccuWeather se ai dhe gruaja e tij shtatzënë filluan të lëviznin drejt korridorit pasi panë tornadon që po vinte drejt tyre.
“Dëgjova një copë xhami të plasaritej dhe më pas çatia u zhduk. Mora gruan dhe fëmijën tim dhe u ulëm poshtë”, tha ai.
Me çatinë e zhdukur, e gjithë pjesa e brendshme e shtëpisë është e ekspozuar, e mbushur me mbeturina dhe pasuri të familjes.
Shërbimi Kombëtar i Motit në një deklaratë tha se tani është koha për t’u strehuar nga Milton, pasi koha për tu evakuuar në mënyrë të sigurt ka mbaruar.
“Nëse nuk lind një situatë kërcënuese për jetën, qëndroni brenda dhe ndiqni përditësimet”, tha shërbimi i motit.
Milton është tani një uragan i kategorisë 3 me erëra prej 125 milje në orë, sipas përditësimit të fundit nga Qendra Kombëtare e Uraganeve. Stuhia ndodhet tani 130 milje nga Fort Myers dhe 150 milje nga Tampa./vizionplus.tv
