Rekordmeni i Guinnes-it në disiplinën e CrossFit-it, Mensur Hyseni ka qenë i ftuar në emisionin “Libero” në Kosovë për të rrëfyer arritjet e tij.
Me prejardhje nga Presheva por i zhvendosur në Tetovë me familjen, Hyseni ka rrëfyer për vështirësitë që i ka pasur gjatë rrugëtimit të tij ndërsa ka përmendur një personalitet që ishte bërë shkak që ai të ishte edhe në majat e suksesit por edhe pranë familjes.
“Është një person, një burr i cili e ka ndërpre rrugëtimin tim për Gjermani sepse rrugëtimi im ishte të shkoj në Gjermani dhe të punësohem, u punësova në Gjermani si mësues sporti dhe qëllimi im ishte të vendosi familjen në Tetovë dhe kontakti i parë pa njohur ka qenë me zotriun Adnan Azizi. Është deputet aktualisht në Maqedoninë e Veriut, pa e njohur ia kam shprehur hallin dhe dertin, unë jam ky person a mund ti të bësh diçka për familjen time. E ka pa CV time shkurt se kush jam dhe çka jam dhe më ka thënë që njerëzit sikur ti nuk guxon të na ikin nga vendi”, ka rrëfyer në emision Hyseni.
