Në një intervistë të transmetuar në një televizion ukrainas, Presidenti i Ukrainës, Volodymyr Zelensky, ka theksuar se paparashikueshmëria e Donald Trump, presidentit të zgjedhur të SHBA-së, mund të luajë një rol kyç në përfundimin e luftës me Rusinë. Zelensky u shpreh se Trump mund të jetë “vendimtar” dhe të ndihmojë në ndalimin e agresionit të presidentit rus, Vladimir Putin.
Zelensky e përshkroi Trump si një lider “të fortë dhe të paparashikueshëm” dhe shprehu besimin se ai mund të ndihmojë për të sjellë një fund të luftës duke theksuar dëshirën e Trump për të ndërmarrë hapa të rëndësishëm për këtë qëllim.
”Trump mund të jetë vendimtar në këtë luftë. Ai mund të na ndihmojë të ndalojmë Putinin”, deklaroi Zelensky./vizionplus.tv
