Kryetari i Lëvizjes BESA, Bilall Kasami, po qëndron në Shtetet e Bashkuara të Amerikës, ku është ftuar të merr pjesë në Lutjet e Mëngjesit. Ai vazhdon të publikojë njofrime në rrjetet sociale për takimet e njëpasnjëshme në Nju Jork:
Gjatë qëndrimit tim në Amerikë, sot takova Granit Gjonbalaj dhe bashkëpunëtorët e tij, për të diskutuar mbi mundësinë e investimeve në Tetovë. Granit Gjonbalaj, Drejtor Ekzekutiv i Spaxel, ka përvojë të gjerë në industrinë e ndërtimit dhe pasurive të paluajtshme. Përpara se të themelonte Spaxel, ai ishte Shefi i Zhvillimit në WeWork. Ai gjithashtu ka themeluar UA Builders dhe Propco, dy kompani të suksesshme në ndërtimin dhe zhvillimin e banesave shumëfamiljare dhe të përballueshme.
Në këtë diskutim u bashkua edhe Dr. Skender Murtezani, një mjek i njohur tetovar njëherit edhe veprimtar i shquar i çështjes kombëtare në Shtetet e Bashkuara të Amerikës.
Bilall Kasami: Vizitën në SHBA e nisa me takimin në Federatën Panshqiptare të Amerikës “Vatra”
@tetovanews
@tn.lajmelokale
