Fillimi i një projekti pilot për selektimin e mbeturinave në Tetovë!
Kemi kënaqësinë të lajmërojmë fillimin e nismës sonë të re për mbrojtjen e mjedisit. Kompania jonë, Saubermacher, në fillim të prillit 2025, po fillon një projekt pilot për selektimin e mbeturinave (rrjedhatë ndryshme të mbeturinave) në lokacionet e mëposhtme:
• Rruga 29 Nëntori – Tetovë
• Spitali Klinik në Tetovë
Ky projekt është një hap i rëndësishëm drejt menaxhimit më të mirë të mbeturinave dhe promovimit të praktikave të qëndrueshme mjedisore në komunitetin tonë. Qëllimi është të fillohet me selektimin e mbeturinave,ku rrjedha të ndryshme mbeturinave do të ndahen nga mbeturinat e tjera, duke mundësuar kështu riciklimin e tyre të mëtejshëm dhe reduktimin e ndikimit negativ në mjedis.
Çfarë do të thotë kjo për ju?
• Mbështetja e mjedisit jetësor – Pjesëmarrja juaj në klasifikimin e mbeturinave ndihmon në reduktimin e sasisë së mbetjeve që përfundojnë në deponi, duke rritur gjithashtu potencialin e riciklimit.
• Procesi i lehtë – Për secilin lloj të mbeturinave do të vendosen kontejnerë të përshtatshëm, ku qytetarët dhe institucionet do të mund të ndajnë dhe asgjësojnë lehtësisht këto materiale.
Çfarë vijon më pas? Pas realizimit të suksesshëm të pilot projektit në këto lokacione, kompania jonë planifikon të zgjerojë selektimin e mbeturinave edhe në lokacione të tjera në të gjithë territorin e komunës së Tetovës. Qëllimi ynë është të prezantojmë një sistem selektimi të mbeturinaveqë do të bashkojë të gjithë për menaxhim më të shpejtë dhe më efikas të mbeturinave dhe përmirësim të cilësisë së mjedisit.
Bashkohuni me ne në këtë nismë të rëndësishme!
Për informacion dhe mbështetje shtesë, na kontaktoni ose vizitoni faqen tonë të internetit.
Saubermacher – Për një mjedis të pastër dhe të shëndetshëm!
@tetovanews
@tn.lajmelokale
