Shqipërisë ka mposhtur 3-0 Andorën në “Arenën Kombëtare”. Rei Manaj ishte heroi i mbrëmjes së sotme i cili gjeti dy herë rrjetën e Androës, në minutën e 11-të dhe të 20-të.
Pas një faulli të fituar nga Armando Broja, Kristjan Asllani krosoi mjaft saktë në zonë ku gjeti Manajn, i cili realizoi me kokë golin e parë.
Ndërsa nëntë minuta më pas Armando Broja do të vallëzonte mes mbrojtjes së Andorës, duke i nxjerrë të gjithë jashtë loje përfshirë dhe portierin dhe dha një asist për Manajn, i cili nuk e pati të vështirë të realizonte dhe golin d dytë të ndeshjes dhe të dytin personal.
Pas kësaj dopiete Manaj ka barazuar me gola të shënuar me fanelën kuqezi dy legjenda, Sokol Kushtën dhe Igli taren.
Pas minutës së 20-të Shqipëria ka administruar në pjesën më të madhe lojën, duke mos lejuar në asnjë moment Andorën të shohë portën e Thoma Strakoshës, por duke mos krijuar asnjë rast tjetër të pastër.
Në pjesën e dytë do të aktivizoheshin edhe Kumbulla, Pajaziti dhe Uzuni, për Gjimshitin, Brojën dhe Laçin, por em rezultatin e pandryshuar,
Në minutat e fundit të ndeshjes ka ardhur edhe qershia mbi tortë, ku Myrto Uzuni ka shënuar edhe golin e tretë për Shqipërinë.
Ndëkrohë që në ndeshjen tjetër të Grupit K, ku bën pjesë edhe Shqiëpria, Anglia ka triumfuar 3-0 përballë Letonisë duke u ngjitur në vendin e aprë me 6 pikë, e ndjekur nga kuqezinjtë me tre pikë por me golavarazh më të mirë se Letonia.
@tetovanews
@tn.lajmelokale
