Tre persona mbetën të vrarë brenda më pak se 24 orëve në Vushtrri. Të dielën mbrëma u privua nga jeta një 19-vjeçar nga një bashkëmoshatar i tij, ndërsa të hënën ndodhi një vrasje e dyfishtë, ku një burrë e qëlloi për vdekje një grua e më pas bëri vetëvrasje.
Çka dihet deri më tash për këto raste?
Pronari i furrës e vrau ish-punëtoren e më pas veten
Në një nënkalim në fshatin Stanofc të Vushtrrisë, pronari i furrës ‘Diellza’ dyshohet se e vrau ish punëtoren e tij e më pas i dha fund jetës.
Ndonëse motivi i këtij rasti tragjik dhe rrethanat janë ende të paqarta, një familjar i viktimës ka thënë se dyshimet janë për xhelozi, pasi viktima kishte shkuar të punojë në një furrë tjetër.
Para mediave ka folur njëri nga famijarët e gruas së vrarë në Vushtrri.
“Para një kohe kanë qenë punëtore e këtyre me gjithë bashkëshortin por rrethanat se si kanë ardhë deri te vrasja nuk i dijmë as ne si familje. Kërkojmë mirëkuptimin e juaj që familjarët të mos shqetësohen. Gruaja ka qenë rreth të 40-ave, probleme nuk ka pasë. Dhashtë Zoti të jetë viktima e fundit. Sipas një informate xhelozia se përse ke shku te një tjetër vend me punue dhe jo te unë.” – ka thënë ai.
Prokuroria në Mitrovicë nuk është lëshuar në detajet e ngjarjes, por që ka bërë të ditur se hetimi ka nisur.
“Si pasojë e te shtënave dy persona kanë mbetur të vdekur në fshatin Stanoc të Vushtrrisë.
Dyshohet se një burrë fillimisht e ka privuar nga jeta një grua, dhe pastaj ka bërë vetëvrasje.
Në vendngjarje ka dalur prokurori kujdestar i PTH Mitrovicë.
Në vendngjarje janë gjetur disa gëzhoja që dyshohet se janë përdorur në këtë krim. Janë duke u intervistuar dëshmitarë dhe në koordinim me policinë janë duke u hetuar të gjitha rrethanat që kanë quar në këtë ngjarje të rëndë.” – njoftoi Prokuroria.
Nexhmie Haradini – gruaja e 59-të e vrarë në Kosovë prej vitit 2010
Vrasja e 19-vjeçarit në Vushtrri
Një djalosh rreth 19-vjeçar, Ardit Zymeri, për motive akoma të panjohura, u privua nga jeta nga një bashkëmoshatar i tij, Bleon Dibrani, në rrugën “Galip Badivuku“ në Vushtrri, të dielën mbrëma.
Të shtënat me armë zjarri që u dëgjuan aktivizuan Policinë për t’u vënë në lëvizje, por në atë rrugë gjetën trupin e pajetë të viktimës, të shtrirë në trotuar.
Viktima është dërguar në Spitalin e Vushtrrisë, ku nga ekipi mjekësor është konfirmuar se viktima ishte pa shenja jete.
Në atë pjesë, fillimisht nuk u gjet asnjë gjurmë e të dyshuarit Dibrani, i cili tentoi të shpëtojë duke u arratisur – por nuk shoi gjatë dhe Policia arriti ta lokalizojë vendndodhjen e tij.
Si prova materiale u konfiskua arma që dyshohet të jetë përdorur në rasti, një armë e gjatë që iu gjet në shtëpi të dyshuarit, si dhe disa gëzhoja.
E trishtë: Ky është i riu që mbeti i vrarë në Vushtrri, del fotografia e tij
Ky dyshohet se është i riu që u arrestua për vrasjen e 19-vjeçarit në Vushtrri
Ndaj të dyshuarit, Prokuroria ka kërkuar masën e paraburgimit
“Prokuroria Themelore në Mitrovicë – Departamenti i Krimeve të Rënda, ka kërkuar nga Gjykata Themelore në Mitrovicë caktimin e paraburgimit për të pandehurin me iniciale B.D., për shkak të dyshimit për kryerjen e veprave penale “Vrasja e rëndë” nga neni 173 par.1 nën par.1.5 të KPRK-së, si dhe “Mbajtja në pronësi, kontroll ose posedim të paautorizuar të armëve” nga neni 366 par.1 të Kodit Penal të Republikës së Kosovë.
I pandehuri B.D., me datë 23 mars 2025 rreth orës 20:30 minuta në rrugën “Galip Badivuku” në Vushtrri, me dashje e privon nga jeta viktimën me iniciale A.Z., ashtu që me armën e zjarrit tip pistoletë, e gjuan dhe e godet së paku tri (3) herë në trup, ku viktima si pasojë e plagëve të marra nga arma e zjarrit ndërron jetë në Repartin e Emergjencës në Spitalin e Vushtrrisë.
I pandehuri gjatë marrjes në pyetje e ka pranuar kryerjen e veprës penale.
Seanca për caktimin e paraburgimit për të pandehurin do të mbahet pranë Gjykatës Themelore në Mitrovicë.”
/GazetaSinjali/
@tetovanews
@tn.lajmelokale
