Televizioni shtetëror iranian ka shpërndarë një video në rrjetet sociale ku shfaqet një dorë duke ledhatuar një pajisje që ngjan me një bombë bërthamore, e shoqëruar me mbishkrimin “ndoshta”. Kjo ndodh në një kohë kur Izraeli po vazhdon sulmet ndaj objektivave iraniane dhe presidenti amerikan, Donald Trump, i ka drejtuar një mesazh të prerë udhëheqësve të Teheranit.
Videoja është publikuar në platformën X nga Agjencia Iraniane e Lajmeve Arabe. Prej disa ditësh, Izraeli ka ndërmarrë sulme të vazhdueshme ndaj infrastrukturës ushtarake dhe bërthamore të Iranit. Gjithashtu, Izraeli ka goditur struktura të larta të udhëheqjes ushtarake dhe të inteligjencës iraniane, duke vrarë edhe disa nga shkencëtarët më të njohur të programit bërthamor të këtij vendi.
Izraeli ka deklaruar se po vepron për të parandaluar Iranin nga krijimi i një arme bërthamore.
Në kundërpërgjigje, Irani ka ndërmarrë sulme me dronë dhe raketa kundër Izraelit, por zyrtarisht mohon synimin për zhvillimin e një arme bërthamore, duke këmbëngulur se programi i tij bërthamor ka vetëm qëllime paqësore dhe energjetike.
ربما..
Maybe pic.twitter.com/tB02PrPbp1— إيران بالعربية (@iraninarabic_ir) June 17, 2025
Presidenti Trump i ka bërë thirrje Iranit që të arrijë një marrëveshje lidhur me programin e tij bërthamor dhe ka deklaruar se nuk do të lejojë që ky vend të zotërojë një armë të tillë. Në kohën që Izraeli po intensifikon veprimet ushtarake kundër Iranit, Trump ka rritur prezencën ushtarake amerikane në Lindjen e Mesme, duke e përgatitur terrenin për një bashkëpunim më të ngushtë me aleatët.
Në një postim në Truth Social ditën e martë, Trump u shpreh shkurtimisht dhe prerazi ndaj liderëve iranianë: “Dorëzim pa kushte”.
@tetovanews
@tn.lajmelokale
