Një kurë për sëmundjen e veshkave mund të jetë shumë afër, pasi shkencëtarët zbuluan se sëmundja vrastare mund të shkaktohet nga ‘anijet’ e vogla.
Ekzosomat mikroskopike – 1.000 herë më të holla se flokët – transportojnë një enzimë të dëmshme në fibrozë të veshkës.
Fibroza është shkaku kryesor i sëmundjes së veshkave, e cila godet rreth 2.6 milionë njerëz në Britani të Madhe.
Aktualisht nuk ka shërim dhe pacientët, organet e të cilëve vazhdojnë të dështojnë, në fazën përfundimtare të sëmundjes, kanë nevojë për dializë ose një transplant për të mbijetuar.
Gjetjet e reja, të udhëhequr nga hulumtuesit e Universitetit Nottingham Trent, ofrojnë shpresë për një mënyrë për të ndaluar sëmundjen.
Shkencëtarët shpresojnë se ata do të jenë në gjendje të bllokojnë “anijet” mikroskopike”, të cilat janë 100 nanometra të gjera dhe transmetojnë transglutaminazën-2 (TG2).
Elisabetta Verderio, autore kryesor e studimit, ka thënë se kjo është një arritje e rëndësishme për kurimin e sëmundjes.
“Për të luajtur rolin në fibrozë, TG2 duhet të gjejë lokacionin e saktë ku formohen fibrozat, jashtë qelizave. Ne e dimë se TG2 nuk udhëton vetëm. Ne tash duhet të shikojmë si të targetojmë këto “anije” të vogla, që nënkupton kontrollin ose ndalimin e tyre para se të rrjedhë problemi serioz. Po ashtu është e mundshme që ne të shikojmë TG2 në këto “anije” si një mënyrë e diagnostifikimit të hershëm të sëmundjes. Sa më shumë që dimë, aq më shumë kemi gjasa për të intervenuar”, tha ajo.
Sëmundja e veshkave i kushton NHS-së 1.5 miliardë funta çdo vit. Organet përfundimisht dështojnë në rreth një në 50 pacientë, sipas NHS-së.
Sidoqoftë, evidencat tregojnë se fibrozat, të cilat janë të pakthyeshme, luajnë rol kryesor në zhvillimin e sëmundjes.
Studiuesit nga Universiteti Sheffield dhe Instituti CNR i Neuroshkencave në Milano, po ashtu, janë të përfshirë në projektin e fundit për të gjetur kurën.
Ata kërkuan të gjejnë se si një enzimë e njohur, që shkakton dëmtimin e veshkave, u transportua nga qelizat për të kryer veprimin e saj të dëmshëm.
Transglutaminaza-2 (TG2) ishte identifikuar për herë të parë si shkaktar i sëmundjes së veshkave nga studiuesit e Trent dhe Sheffield në vitin 1997, transmeton KosovaPress.
Shkencëtarët kanë përdorë teknologjinë e re për të detektuar të gjitha TG2 të lidhura me proteinat në gjendje të simuluar të sëmundjes së veshkave.
Ata pastaj ishin në gjendje të identifikonin se si TG2 i lë qelizat e veshkave në proteina ndërlidhëse si kolagjen dhe fibronektin, duke i çuar në fibrozë.
Po ashtu, ata zbuluan se enzima e dëmshme transportohet përmes ekzosomave të madhësisë nano.
Studiuesit konfirmuan gjetjet e tyre duke shfaqur urinën e 10 pacientëve me sëmundje të veshkave. Mostrat treguan se TG2 ishte duke u bartur nga ekzosomat.
Rezultatet, të botuara në Gazetën e Shoqërisë Amerikane të Neurologjisë, janë mirëpritur nga ekspertët.
Ndryshe, dështimi i veshkës është e rrezikshme për jetën dhe shkaktohet kur veshja nuk mund të funksionojë më në mënyrë normale për shkak të ireversibilitetit brenda strukturës së saj.
