Rreth 25 për qind e të rinjve me arsim të lartë kanë braktisur vendin. Evropa Perëndimore dhe SHBA-të janë destinacionet ku të rinjtë po arrijnë më lehtë të punësohen. Në debatin e mbrëmshëm në “Rruga Drejt” kushtuar kësaj dukurie u tha se kushtet e vështira, pagat e ulëta dhe punësimet partiake janë arsyet që po detyrojnë rininë të braktis vendin. Elmedina Asani e diplomuar në Fakultetin e mjekësisë pohon se ka pasur shumë oferta për tu larguar nga vendi dhe të njëjtat do ti merr në konsideratë.
Ofertat janë aty aktive në kohën që unë vendosi të shkoj, shumica prej tyre janë prej SHBA-ve. Arsyeja kryesore pse të rinjtë largohen është për shkak se nuk kemi jetë dinjitoze e të mos flasim për diçka më tepër. Për ne është e pa arsyeshme dhe e pa kuptueshme nevoja që të kesh afinitet ndaj një partie politike që të mundesh të arrish diçka në jetën profesionale- u shpreh Elmedina Asani, e diplomuar në Fakultetin e mjekësisë.
Profesori Universitar Gadaf Rexhepi vlerëson se përveç mundësive ekonomike, shkak tjetër për largimin e të rinjve janë edhe mundësitë që u ofrohen për studime në vendet e BE-së.
Mundësitë janë shumë të mëdhaja, nuk është vetëm momenti ekonomik. Tash të rinjtë kanë mundësi të rinjtë këtu por edhe mundësinë të shkojnë dikund tjetër që nuk ka qenë në të kaluarën. Në aspektin ekonomik ka shumë dëme, largohet fuqia punëtore – tha Gadaf Rexhepi, profesor në UEJL Tetovë.
Ministrja e punës dhe politikës sociale Milla Carovska tha se shteti po ndërmerr masa afatgjate për të mbajtur rininë në vend.
Të gjitha masat që ne i bëjmë një nga një janë afatgjate dhe duhet të japin efekt. Ato janë në arsim, e patë që ndryshoi ligji për arsimin e lartë. Në pjesën e kopshteve i kompensojmë me kapacitet, mungonin 2.000 njerëz. Vlerësoj se shumë të rinj tanë do ktheheshin nëse përmirësohet cilësia e jetës këtu te ne – u shpreh Milla Carovska-Ministre e punës dhe politikës sociale.
Vet ministrja Carovska pranoi se punësimet partiake ka qenë një ndër arsyet kyçe për largimin e të rinjve drejt vendeve të Evropës.
Elmedina Aliji
