Kryeministri i Japonisë, Shinzo Abe, do të takojë sot në Uashington presidentin e Shteteve të Bashkuara, Donald Trump.
Takimi vjen pak ditë para samitit SHBA-Kore e Veriut, i planifikuar të mbahet javën e ardhshme në Singapor.
Ndryshe nga udhëheqësit e Koresë së Jugut, Kinës dhe SHBA-së, Abe nuk planifikon takim me liderin verikorean, Kim Jong Un.
Dy vendet janë armike me dekada.
Abe pritet të kërkojë nga Trump që të ngrejë çështjen e japonezëve të rrëmbyer nga Koreja e Veriut.
Japonia thotë se Koreja e Veriut ka rrëmbyer së paku 17 shtetas të saj në vitet 1970 dhe 1980 për t’iu mësuar gjuhën dhe zakonet agjentëve të saj.
Abe po ashtu pritet të kërkojë nga Trump që të përjashtojë Japoninë nga tarifat mbi importet e çelikut dhe aluminit./am/
