Nuk i kemi dhënë përkrahje Stevo Pendarovskit në raundin e dytë zgjedhor, por qëllimi ynë ishte të kemi proces të suksesshëm me qëllim që vendi të lëvizë përpara.
Disponimi te votuesit shqiptarë është në anën e opozitës, kështu që BDI tërësisht është delegjitimuar.
Ende është herët të thuhet nëse në zgjedhjet e ardhshme do të shkojmë në koalicion me Aleancën Shqiptare, ka deklaruar kryetari i Lëvizjes Besa, Bilall Kasami, në intervistën për Nezavisen Vesnik.
Do të shkojmë nga dera në derë dhe do ta promovojmë vizionin tonë, ka shtuar ai.
Kasami është i bindur se Lëvizja Besa do të fitojë zgjedhjet e ardhshme parlamentare te votuesit shqiptarë, ose do të jetë pjesë e ndonjë opsioni më të gjerë që do të dalë fitues dhe do jetë pjesë e qeverisë pas zgjedhjeve parlamentare.
