Riformatimi i Qeverisë i paralajmëruar nga kryeministri Zoran Zaev pas zgjedhjeve presidenciale do të varet nga vendimi i BE-së për negociata. Këtë e ka thënë për agjencinë MIA kryeministri Zaev gjatë një brifingu me gazetarët në Bruksel.
Sipas tij, procesi i rekonstruimit ka filluar, do të ketë ndryshim në të paktën 2/3 e Qeverisë dhe rreht 20 deri 30 pozicioneve menaxhuese në institucionet e mëdha, por, ai ka thënë se pret për rekonstruimin për shkak të rrezikut që të bie Qeveria nëse nuk ka negociata me BE-në.
“Nëse e humbi mbështetjen e kuvendit, atëherë pse të bëjë rekonstruim të Qeverisë? Për këtë pres, unë jam i gatshëm, qytetarët tanë afërsisht e dijnë kush do të ndryshohet në qeveri, por nuk është normale të bëjmë rekonstruim nëse bie qeveria, ndoshta do të duhet të shkojmë në zgjedhje të parakoshme, apo të marrim mandat të ri nga presidenti, nuk dihet, por fillimisht Bundestagu duhet të përcjell porosi”, ka thënë Zaev.
