Gjiganti spanjoll, Real Madrid, po e shqyrton mundësinë që ta shkëmbejë Gareth Bale me Eden Hazard-in e Chelsea-s, sipas OK Diario. Belgu e ka quajtur Realin “ekip të ëndrrave” por ka bërë të ditur se nuk do të largohet në janar. Ndërkaq në tentim që ta ulin cmimin që duhet paguar për Hazardin, madrilenët janë të gatshëm që t’ua ofrojnë uellsianin Të Kaltërve. Sidoqoftë, mbetet të shihet nëse Chelsea do të ishte e gatshme t’ia paguante Bale-t kontratën masive e cila i skadon më 2022.
