Kryetari i Aleancës për Shqiptarët z.Ziadin Sela ka udhëtuar drejt Shteteve të Bashkuara të Amerikës.
Në agjendën e kësaj vizitë janë paraparë disa takime të rëndësishme në State Departamentin dhe në Kongresin Amerikan, ku do të zhvillohet takim edhe me kongresmenin amerikan Eliot Engël dhe zyrtar tjerë të rëndësishëm.
Kjo vizitë realizohet edhe në kuadër të debatit për ndryshimet kushtetuese në Maqedoni ku kryetari Ziadin Sela do të kërkojë përkrahje nga SHBA-të për kërkesat politike shqiptare.
Kryetari Ziadin Sela gjithashtu do të takojë edhe përfaqësues të Diasporës shqiptare në Amerikë dhe do jetë prezent për festën e 28 Nëntorit!
