Lideri opozitar i Venezuelës, presidenti i përkohshëm i vetëshpallur, Juan Guaidò, i ka bërë thirrje popullatës për dy mobilizime të reja. I pari u thirr për të mërkurën në mesditë: Guaidò kërkoi nga mbështetësit e tij të dilnin në rrugë për një demonstrim paqësor dy-orësh. Për të shtunën e ardhshme ai lajmëroi demonstrime masive “në çdo cep të Venezuelës dhe botës”.
Guaidò gjithashtu deklaroi se protesta të shtunën do të përkonte me skadimin e ultimatumit të imponuar nga BE për të detyruar Nicolas Maduro të mbajë zgjedhje të reja. Shtetet e Bashkuara dhe disa vende të tjera e konsiderojnë zgjedhjen e Maduro-së si “të paligjshme”, të cilat u zhvilluan në maj 2018, pasi kundërshtarët e tij më të fortë ishin përjashtuar nga gara.
Ndërkohë, mbështetjes së Guaidòs, si udhëheqës legjitim i Venezuelës i shtohet edhe Australia, “deri në zgjedhje”.
Një pozicion i ngjashëm me atë që tashmë është marrë nga Shtetet e Bashkuara, Britania e Madhe, Gjermania dhe Franca. “Ne tani u bëjmë thirrje të gjitha palëve të punojnë për një zgjidhje paqësore të situatës që kërkon kthimin në demokraci, respektin për sundimin e ligjit dhe mbrojtjen e të drejtave të njeriut të popullit venezuelian”, tha ministri i Jashtëm i Australisë, Marise Payne.
Lufta për pushtet në Venezuelë tani duket të jetë në duart e ushtrisë, me përkrahësit e Guaidos të angazhuar për të shpërndarë fletushka për ushtarët për të shpjeguar kushtet e amnistisë së premtuar që do t’i shmangnin ata nga pasoja, edhe pse deri më tani të kishin mbështetur Maduron. Në vend të kësaj, kjo e fundit tregon synimet e tij duke mbajtur një kostum pune dhe duke i hapur rrugë njësive ushtarake.
