Kryetari i LSDM-së dhe njëherazi kryeministri i vendit, Zoran Zaev, pas mbledhjes së Kryesisë së partisë tha se gjatë mbledhjes kanë vendosur që kryeministri teknik të jetë ministri aktual i Punëve të Brendshme Oliver Spasovski. Ndërsa Milla Carovska, zv.kryeministre për Çështje Ekonomike. Zëvendësministër plotësues në Ministrinë e Brendshme, Sllavanka Petrovska, shef kabineti i deritanishëm i Spasovskit. Zëvendësministër për Punë dhe Politikë sociale, Sanella, shef i deritanishëm i kabinetit të Carovskës. Bojan Mariqiç, sekretar i ri për Marrëdhënie Ndërkombëtare i LSDM-së.
Zaev shtoi se në ligj nuk ka detyrim që parashikon koordinim paraprak me opozitën për emrin e kryeministrit teknik përveç koordinimit me partinë e dytë më të madhe në pushtet. Megjithatë ai shtoi se ka disa parime sa i takon zgjedhjes së ministrave teknik nga radhët e opozitës dhe qe kryesisht kanë të bëjnë me sundimin e ligjit. Emrat e dy ministrave teknike, atij të Brendshëm dhe atij për Punë dhe Politikë Sociale me propozim të opozitës, Zaev do ti mësojë nesër në takimin e liderëve me Hristijan Mickoskin.
Takimi i liderëve për të vendosur për Qeverinë teknike, do të mbahet nesër në kompleksin Ilindenska.
LEXO EDHE:
- Vetëvendosje dorëzon kallëzim penal ndaj anëtarit të Nismës që e kërcënoi Kurtin me vrasje
- Sejdiu nënshkruan edhe një marrëveshje të re për asfaltimin e rrugës lokale në fshatin Çiflik
- Aksident i rëndë në Gostivar, një i vdekur dhe një në gjendje të rëndë
- Zbulohen detaje tronditëse/ Identifikohet gruaja nga Shqipëria që u gjet e vrarë në Paris (EMRI)
- Anëtari i Nismës: Albin Kurti ta lëshojë Kosovën ose të vritet
