Greqia nuk është vendi i vetëm i Europës që shquhet për plazhet kristal, ushqimin e mirë, historinë dhe diellin, por vendi fqinj tani po e shet veten si më i sigurti për turistët në Europë, ndërkohë që përpiqet të joshë vizitorët.
Greqia, e cila hapi këtë javë dyert për vizitorët ndërkombëtarë, ka një numër relativisht të ulët të të infektuarve, për shkak të masave të ashpra për të mbajtur nën kontroll virusin
Kryeministri grek Qiriako Mitsotakis, i cili thotë se përparësia kryesore e vendit të tij është siguria në hotelet dhe destinacionet turistike për vizitorët nga e gjithë Europa.
“Unë nuk jam i interesuar ta bëj Greqinë destinacionin numër një në Evropë,” thotë Mitsotakis. “Unë jam i interesuar të bëj Greqinë destinacionin më të sigurt në Evropë.”
“Ne kemi krijuar një protokoll midis autoriteteve shëndetësore, të cilat u kanë dhënë një vulë të gjitha hoteleve të certifikuara, duke i cilësuar si të sigurt. Rreth 14,000 biznese kanë marrë vulën dhe 15,000 punonjës janë trajnuar, thonë zyrtarët grekë.
Vëtë kryeministri Mitsotsqis thotë së pret që këtë verë vendi i tij të vizitohet të paktën nga 30 milionë turistë. Në Greqi rreth 90% e të ardhurave nga turizmi vijnë nga vizitorët europianë dhe amerikanë.
Por edhe pse brigjet e bukura si Porto Katsiki në ishullin e Lefkadës, i përfshirë gjithnjë në listat globale të plazheve më të mira, është aktualisht i zbrazët, turistët priten të kthehen në Greqi pas hapjes graduale të kufijve të saj.
Në mediat ndërkombëtare, Greqia po cilësohet në fakt si një nga vendet më të sigurta për pushuesit në Mesdhe këtë verë. Ajo shënon 200 viktima nga Covid-19 dhe pak më shumë se 3000 raste, edhe pse ka një popullsi prej 11 milionë banorësh.
Greqia thotë se do të hapë plotësisht dyert për turistët në 1 korrik, duke pretenduar se e ka fituar tanimë betejën me Covid-19
Ndryshe nga disa vende të tjera, Greqisë ka zgjedhur të hapë kufijtë në mënyrë më graduale, duke filluar me një periudhë “prove” nga 15 deri më 30 qershor, gjatë së cilës fluturimet ndërkombëtare do të lejohen të ulen vetëm në dy aeroportet kryesore të saj në Athinë dhe Selanik.
Fluturimet e drejtpërdrejta ndërkombëtare në shumë destinacione turistike të vendit fqinj do të rifillojnë që nga 1 korriku. Anijet nga vendet e tjera gjithashtu do të lejohen të hyjnë në Greqi nga muaji korrik.
Për momentin, pasagjerët nga dhjetëra vendeve me shkallë të ulët të të infektuarve tani mund të hyjnë në Greqi, duke iu nënshtruar tamponëve. Lista pritet të zgjerohet deri në korrik. Ata që vijnë nga aeroportet duhet të testohen dhe duhet të karantinohen gjatë ditës në pritje të rezultateve.
Edhe nëse rezultatet janë negative, udhëtarët që vijnë nga zonat me rrezik të lartë do të duhet të vetë-karantinë për një javë në destinacionin e tyre të mbërritjes. Ata që testojnë pozitiv do të karantinohen deri në 14 ditë.
Hotele karantinë
Greqia shpreson që suksesi i saj i hershëm në luftën kundër virusit do të bazohet tek siguria e hoteleve, të cilat kanë futur protokolle të rrepta të shëndetit dhe sigurisë janë futur. Nga hotelet kërkohet që të punësojnë një mjek ndërsa punonjësit duhet të bëjnë teste të rregullta.
Po ashtu, në cdo ishull Greqia ka hapur “Hotelet Covid-19″për të karantinuar këdo që teston pozitiv për virusin.
Hotelierët në Lefkada thonë se shumica e pyetjeve nga klientët e mundshëm kanë të bëjnë me shëndetin dhe sigurinë.
“Njerëzit duan të udhëtojnë, por ata duan të sigurohen që minimizojnë ekspozimin. Ata duan të dinë se pasi të mbërrijnë në destinacionin e tyre përfundimtar, do të mund të ruajnë distancën sociale dhe do të ndjehen të sigurt”, thotë Odysseas Christofides, pronar i një hoteli në këtë ishull.
Christofides vlerëson se prenotimet kanë rënë me 60% krahasuar me n të njëjtën periudhë vitin e kaluar. “Ne gjithashtu kemi shumë mysafirë me prenotime të vlefshme që nuk e dinë nëse do të duhet të anulojnë pushimet në minutën e fundit për shkak të kufizimeve të udhëtimit dhe pasigurisë në lidhje me fluturimet.
Në veri të Lefkadës, në qytetin turistik të Pargës plazhi sapo është pastruar dhe janë vendosur çadrat në përputhje me distancës sociale. Parga pranon dhjetëra mijëra vizitorë në vit, kryesisht nga veriu i Evropës. Këtë vit ajo filloi sezon plotësisht bosh për herë të parë që kur hotelet u ndërtuan në vitet 1950, thonë vendasit.
“Rezervimet tregojnë se shumë njerëz nuk do të udhëtojnë këtë verë. Shumë klientë tashmë i kanë transferuar prenotimet e tyre për vitin e ardhshëm,” thotë Antonis Zygouris menaxher i agjencisë së udhëtimeve “Parga ITS Travel”.
