Qazim Laçi është pjesë e AC Ajaccio prej korrikut të vitit 2017 dhe do të vazhdojë të aktivizohet me ekipin francez edhe për tre vite të tjera. Mesfushori dibran shënoi katër gola sezonin e fundit, duke dhuruar performanca pozitive.
✍ Qazim Laci prolonge l’aventure en Blanc et Rouge ! 🔥🔴⚪ pic.twitter.com/dDNHNu7oAx
— AC Ajaccio (@ACAjaccio) August 11, 2020
Diçka e tillë ka ndikuar që drejtuesit e klubit t’i propozojnë rinovimin e kontratës. AC Ajaccio garon në Ligue 2 dhe ishte shumë afër rikthimit në elitë, por kampionati u ndërpre dhjetë javë nga fundit, me ekipin e shqiptarit që mbeti 52 pikë, teksa në elitë u ngjitën Lorient (54 pikë) dhe Lens (53 pikë).
Laçi, i cili ka luajtur me Shqipërinë U21 dhe është grumbulluar por pa mundur të debutojë me kombëtaren e madhe, ka pranuar propozimin dhe ka hedhur firmën deri në verën e vitit 2023. /abcnews.al
