Një delegacion i Lëvizjes BESA, i udhëhequr nga kryetari Kasami, po qëndron në Turqi, ku janë takuar edhe me nënkryetarin e partisë së Erdoganit, Numan Kurtulmush, tansmeton Tetova News.
Statusi i plotë i Kasamit:
Sot, së bashku me deputetin dhe nënkryetarin e Kuvendit të Maqedonisë së Veriut Fadil Zendeli, si dhe zv.ministrin e Kulturës z. Sedat Sulejmani, qëndruam për vizitë zyrtare në Ankara të Turqisë, ku u mirëpritëm nga z. Numan Kurtulmush, nënkryetar i partisë më të madhe të Turqisë AKP.
Me z. Kurtulmush u bisedua roli i Turqisë në Ballkanin perëndimor si aleat i joni dhe njëkohësisht si dy anëtarë të përbashkët të NATO-s, bashkëpunimet ndërshtetërore, si dhe forcimi i rrugës së përbashkët drejt Bashkimit Europian.
Me z. Numan Kurtulmush u dakorduam që shumë shpejtë Lëvizja BESA dhe AKP të nënshkruajnë një marrëveshje bashkëpunimi dhe miqësie të përhershme, përmbyll njoftimin kryetari i Lëvizjes BESA, Bilall Kasami.
