Në shumicën e komunave më të mëdha në vend, një raund i dytë i zgjedhjeve lokale do të mbahet më 31 tetor. Komisioni Shtetëror Zgjedhor (KSHZ) tashmë i ka numëruar votat dhe rezultatet tregojnë se në vendbanimet më të mëdha ka një dallim të ngushtë midis partive më të mëdha politike, transmeton Tetova News.
Bazuar në numërimin 100% të votave në Manastir, kandidati i VMRO-DPMNE-së Toni Konjanovski fitoi 42.72% të votave, ndërsa Hristo Kondovski nga LSDM siguroi 39.13% në raundin e parë. Në këtë komunë, Goran Milevski, ministri aktual i vetëqeverisjes lokale në Qeverinë e RMV-së, fitoi 7.30% të votave.
Në Kumanovë, ku janë numëruar 100 përqind të fletëve të votimit, kryetari aktual Maksim Dimitrievski ka fituar 32.79 përqind të votave, ndërsa për kandidati i LSDM -së Oliver Ilievski ka siguruar 32.74 përqind të votave në raundin e parë. VMRO-DPMNE në komunën më të madhe në vend me kandidat Toni Mihajlovski fitoi 18.56 përqind të votave.
B e t e j a në raundin e dytë në Tetovë do të jetë midis kryetares në detyrë Teuta Arifi, e cila fitoi 29.04 përqind të votave, në krahasim me kandidatin e Lëvizjes BESA Bilal Kasami, i cili fitoi besimin e 27.37 përqind të votuesve.
Bazuar në votat e numëruara 100 përqind në Ohër, Kiril Pecakov nga VMRO-DPMNE është në krye me 48.47 përqind të votave, krahasuar me kryetarin aktual nga LSDM Konstantin Georgieski i cili fitoi 42.00 përqind të votave. Kjo do të thotë se kryetari i komunës në Ohër do të zgjidhet në raundin e dytë më 31 tetor.
Njëlloj si në Ohër, një raund të dytë do të ketë edhe në Strugë, ku do të garojnë Ramiz Merko nga B D I (rrethi i parë 43.12%) dhe Idri Istrefi nga Aleanca për Shqiptarët dhe Alternativa (raundi i parë 37.08%). Votat e LSDM-së do të kenë një ndikim të madh në këtë komunë, sepse kandidati i saj Dimçe Shipinkarovski fitoi 17.13 të votave të Strugës në raundin e parë.
Është e sigurt se një raund të dytë do të ketë edhe në Gostivar, ku kryetari aktual nga Aleanca për Shqiptarët dhe Alternativa, Arben Taravari fitoi 49.70 përqind të votave, ndërsa Nevzat Bejta nga B D I fitoi besimin e 41.69 përqind të votuesve.
Një raund të dytë të zgjedhjeve do të ketë edhe në Kërçovë, ku bazuar në të gjitha votat e numëruara nga KSHZ-ja, kandidati i VMRO-DPMNE-së Aleksandar Jovanovski kryeson (38.42%) para kandidatit të BDI-së Fatmir Dehari (37.30%).
Ndër qytetet më të mëdha të vendit, një raund të dytë do të ketë më 31 tetor edhe në Koçan, ku kryetari aktual i LSDM -së Nikolço Ilijev fitoi 48.16 përqind të votave në raundin e parë.
Në qytetin më jugor të vendit, në Gjevgjeli, gara zgjedhore më 31 tetor do të udhëhiqet nga Andon Saramandov nga VMRO-DPMNE (raundi i parë: 47.11 përqind e votave) me kryetarin aktual nga LSDM Sasho Pockov (raundi i parë: 34.69 përqind e votave)).
Së fundi, në Qytetin e Shkupit, bazuar në numërimin e 78.43 të votave të KSHZ-së, Danela Arsovska e mbështetur nga VMRO-DPMNE është në epërsi me 37.2 përqind të votave, krahasuar me kryetarin aktual të LSDM-së Petre Shilegov, i cili fitoi 35.06 për qind e qytetarëve që shkuan në votim.
Bazuar në 100% të votave të numëruara nga KSHZ-ja, VMRO-DPMNE në qytetet kryesore arriti të fitojë në Negotinën, Shën Nikollën, Kavadarin, Vinicën si dhe Shtipin, Velesin dhe Prilepin, ku janë numëruar pothuajse të gjitha fletëvotimet dhe kandidatët e tyre fituan shumicën e votave nga qytetarët që votuan.
Nga ana tjetër, bazuar në numërimin e pothuajse të të gjitha fletëve të votimit nga KSHZ, LSDM fitoi në garën për kryetarë të komunave në raundin e parë në Strumicë, Berovë, Kriva Pallankë, Krushevë, Vallandovë dhe Dojran.
