Nick Cannon humbi djalin e tij vetëm 5 muajsh nga kanceri i trurit pak ditë më parë. Në një intervistë që ka dhënë për revistën People, aktori thotë se ndihet zemërthyer për humbjen e madhe dhe se ka kaluar një kohë fare të shkurtër me engjëllin e tij.
“Kemi pasur një kohë të shkurtër me një engjëll të vërtetë”, tha ai. “Zemra ime është copëtuar. Do të doja të kisha bërë më shumë, të kisha kaluar më shumë kohë me të, të bëja më shumë foto. Do të doja ta kisha përqafuar më gjatë”, shtoi ylli i “Drumline”.
Një humbje e tmerrshme: Nick Cannon fatkeqësisht humbi fëmijën e tij më të vogël këtë muaj kur vdiq nga kanceri i trurit në moshën vetëm pesë muajshe. Nëna është ish-modelja e tij, Alyssa Scott. Aktori ndau për herë të parë lajmin për vdekjen e Zen në emisionin e tij të bisedave javën e kaluar, kur zbuloi se i riu kishte një ‘tumor invaziv të trurit të linjës së mesme’.
Ai tregoi gjithashtu kur kuptoi se diçka nuk shkonte me djalin e tij, i cili lindi në qershor. “Dukej sikur kishte lëngje në mushkëri, si një infeksion i sinusit apo diçka tjetër. Mjekët nuk menduan se ishte ndonjë gjë shumë shqetësuese.”, tha Cannon.
Pasi diskutuan trajtime të ndryshme, duke përfshirë kimioterapinë, Cannon – i cili i është nënshtruar vetë kimioterapisë për lupus – mori vendimin e vështirë për të mos ndjekur asnjë procedurë të mëtejshme invazive.
“Nga dikush që është dashur të merrej me kimioterapinë më parë, unë e di atë dhimbje. Për ta parë këtë të ndodhë për një fëmijë 2 muajsh, nuk e doja këtë, nuk doja që ai të vuante.“, tha ai.
